ரஞ்சனை கைது செய்ததன் மூலம் அரசாங்கம் அதிகாரிகளையும் அச்சுறுத்தியுள்ளது ; விளக்கும் முஜிபுர் ரஹ்மான்

பாராளுமன்ற உறுப்பினர் ரஞ்சன் ராமநாயக்க அவர்களை கைது செய்வதன் மூலம் அரசாங்கமானது, அரச அதிகாரிகளையும் பயமுறுத்தலுக்கு உள்ளாக்கியுள்ளதாக ஐக்கிய தேசிய கட்சியின் கொழும்பு மாவட்ட பாராளுமன்ற உறுப்பினர் முஜிபுர் ரஹ்மான் தெரிவித்தார்.

அரச அதிகாரிகளை பீதிக்கு உள்ளாக்கி அரசாங்கம் சர்வாதிகாரத்துடன் பயணிக்க முயற்சிப்பதாகவும் அவர் குற்றஞ்சாட்டினார்.

மக்களை அசௌகரியப்படுத்தும் விடயங்கள் நடக்குமாக இருந்தால், மக்கள் விரோத செயல்கள் நடக்குமாக இருந்தால் அந்த அரச அதிகாரிகள், அரசியல்வாதிகளின் கவனத்திற்கு கொண்டு வந்து அவற்றிற்கு எதிராக நடவடிக்கை எடுக்கும்படி கூறுவது சாதாரண விடயம்.

இவற்றின் மூலம் இவர்கள் எதிர்பார்ப்பது அரசிற்கு எதிராக அரச அதிகாரிகள், இந்த அரசில் பிழை காணும் அரச அதிகாரிகள் இருந்தால், அந்த அரச அதிகாரிகள் சில தகவல்களை அவ்வப்போது அரசியல்வாதிகளுக்கு வழங்குவதாக இருந்தால், அவற்றை நாம் விமர்சிப்பதை நிறுத்துவதற்கு அரச அதிகாரிகளுக்கும் இந்த அரசாங்கம் செய்தி ஒன்றை கூறியுள்ளது.

இந்த அரசாங்கத்தின் கீழ் பணி புரியும் அதிகாரிகளுக்கு அரசாங்கம் கூறுவது, நாம் செய்யும் தவறுகளை நீங்கள் வெளியில் கூறினால் உங்களையும் கைது செய்து தண்டிப்போம் என்ற செய்தியையே எதிர்க்கட்சியினரை கைது செய்வதன் மூலம் கூறியுள்ளது என்று மேலும் அவர் தெரிவித்தார்.