சுயாதீன தொலைக்காட்சி சேவையில் (ITN) பணியாற்றும் முஸ்லிம் ஊழியர்களை மாத்திரம் கட்டாய விடுமுறையில் அனுப்பப்பட்ட சம்பவம் தொடர்பில் தனக்கு எதுவும் தெரியாது என்றும் அது குறித்து தேடி பார்ப்பதாகவும் ஊடகத்துறை அமைச்சர் பந்துல குணவர்தன தெரிவித்துள்ளார்.
சுயாதீன தொலைக்காட்சி சேவையை கட்டியெழுப்புவதில் முஸ்லிம்களின் பங்களிப்பு அளப்பரியது. தற்போது கொரோனா அச்சுறுத்தலை காரணம் காட்டி முஸ்லிம் ஊழியர்களை கட்டாய விடுமுறையில் அனுப்பப்பபட்டுள்ளதால் அதன் எப்.எம்.(வசந்தம்) அலைவரிசையும் நிறுத்தப்பட்டுள்ளது.
மேற்படி சம்பவம் தொடர்பில் முஸ்லிம் மீடியா போரத்தின் தலைவர் என்.எம்.அமீன் அவர்கள் நகீப் மௌலானா அவர்களின் கவனத்திற்கு கொண்டு வந்துள்ளார். நகீப் மௌலானா அவர்களே இதனை அமைச்சின் கவனத்திற்கு கொண்டு வந்துள்ளமை குறிப்பிடத்தக்கது.