வரலாறு நெடுகிலும் Lockdown களை சந்தித்த வரலாறு கொண்ட வம்சாவளியினர் நாம்!

LOCk DOWN

     

பதினேழு வயதுப்
பருவ மகனே!
Lockdown என்பது
Knockdown அல்ல மகனே!

வரலாறு நெடுகிலும்
Lockdown களை சந்தித்த
வரலாறு கொண்ட
வம்சாவளியினர் நாம்!

Lockdown களை
Knockout ஆக்கினர்
நம் மூதாதையர்!

மீனின் வயிற்றுக்குள்
Lockdown ஆனவர் தான்
யூனூஸ் நபியவர்கள்.
இறையை இறைஞ்சியதால்
மீண்டு வந்தார்!
நபிகளார் குடும்பமும்
Lockdown ஆக்கப்பட்டது.
மூன்று வருட முற்றுகை
முடிவுக்கு வந்தது
ஈமானிய பலத்தினால்!
ஹிஜ்ரத்து பயணம்
 Breakdown ஆகாமல்
பாதுகாத்ததே அந்த
தௌர் குகை Lockdown தான்!

இந்த Lockdown
தண்டனையல்ல மகனே.
அது
வைரஸை Knockdown ஆக்க
போடப்பட்ட Lockdown!

சட்டம்
சட்டம் போட்டெம்மை
சிறைப்படுத்தி வைத்தாலும்
அது சிறைச்சாலையல்லவே மகனே!

மஹ்ஷர் மைதானத்து
Lockdown க்கு முன்
மற்றெல்லா Lockdown களும்
தூசு மகனே!

ஊர் பெயரை
ஊடகங்கள் அடிக்கடி
உச்சரிப்பதையிட்டு
வருந்தாதே!

வளர்ந்து ஆளாகி
தேசத்துக்கு சேவையாற்று.
இதே ஊடகங்கள் ஊர் பெயரை
உச்சியில் வைத்து உச்சரிக்கும்.
அந்தப் பொழுதுகளே
என்னை உச்சிகுளிரச் செய்யும்
தங்கப் பொழுதுகள்!
அப்போது
இனவெறியர் வாய்களும்
Lockdown ஆக்கப்படும் மகனே!

உலகமே இன்று
Lockdown தான்.
ஊரின் Lockdown பற்றி
உனக்கென்ன கவலை?

    ***** கஸ்ஸாலி அஷ்ஷம்ஸ் ****