சவூதி அரேபியாவில் இவ்வாண்டு மரண தண்டனை 45 ஐ தாண்டியுள்ள நிலையில் ஐரோப்பிய யூனியன் சவூதி ஆரேபியாவின் மரண தண்டனைக்கு எதிர்ப்புத் தெரிவிப்பதாக அவ்வமைப்பின் வெளிநாட்டுக் கொள்கைக்கான தலைமை அதிகாரி தெரிவித்துள்ளார்.
எந்தவித புற நடைகளுமின்றி அனைத்துக் குற்றங்களுக்கும் மரண தண்டனையை சவூதி அரேபியா பயன்படுத்தி வருவதனை ஐரோப்பிய யூனியன் ஒருமித்த குரலில் எதிர்ப்பதாக பெட்ரிக்கா மொக்ஹெரினி உத்தியோகபூர்வ அறிக்கையொன்றில் தெரிவித்துள்ளார்.
போதைப் பொருள் கடத்தல் குற்றச்சாட்டின் அடிப்படையில் கடந்த சில நாட்களில் நான்கு பேருக்கு சவூதி அரேபியா மரண தண்டனை நிறைவேற்றியுள்ளது. அண்மையில் நிறைவேற்றப்பட்ட தண்டனைகளோடு 2019 ஜனவரி தொடக்கம் 45 பேருக்கும் அதிகமானோருக்கு மரண தணடனை நிறைவேற்றப்பட்டுள்ளது எனவும் அவர் தெரிவித்துள்ளார்.
மரண தண்டனை என்பது எச்சரிக்கை வழங்க முடியாத கொடூரமான மனிதாபிமானமற்ற செயற்பாடாகும் என மொக்ஹெரினி சுட்டிக்காட்டியுள்ளார்.
கருத்துரையிடுக