சிங்கள மக்களின் மனங்களில் பரவியுள்ள இனவாத தீயை எவ்வாறு அணைப்பது ? இது சாத்தியப்படுமா ?

 

எமது முஸ்லிம் தலைவர்கள் சக்திமிக்க சிங்கள தரப்பினர்களை சந்தித்து தங்களது ராஜினாவுக்கான காரணங்களையும், முஸ்லிம் மக்கள் எதிர்கொண்டுள்ள பிரச்சினைகளையும் எடுத்துரைத்து வருகின்றார்கள். 

அந்தவகையில் மு.கா தலைவர் ரவுப் ஹக்கீம் தலைமையில் சென்ற குழுவினர் எதிர்க்கட்சி தலைவரை சந்தித்து உரையாடியதுடன், இந்த பிரச்சினை பற்றி சிங்கள மக்களை தெளிவு படுத்தும்படியும் வலியுறுத்தியதோடு பௌத்த மகாசங்கத்தினர்களையும் சந்தித்து பேசி உள்ளார்கள்.

இது பாராட்டப்பட வேண்டிய விடயமாகும். ஆனாலும் இது ஓர் சம்பிரதாய சந்திப்புக்களே தவிர, இதனால் ஒன்றும் நடந்துவிட போவதில்லை. ஏனெனில் இவர்கள் அனைவரும் இந்த பிரச்சினைகள் பற்றி நன்கு தெரிந்தவர்கள்.   

இனவாத பௌத்த தேரர்களின் தலைமையில் சிங்கள இளைஞ்சர்கள் முஸ்லிம்களுக்கு எதிராக திரண்டபோது, அதனை தடுத்து நிறுத்துவதற்காக இந்த மகா சங்கத்தினர்களோ அல்லது பௌத்த பீடங்களோ முன்வரவில்லை.

அத்துடன் எதிர்க்கட்சி தலைவர் உற்பட ஜனாதிபதி, பிரதமர், அல்லது எதிர்வரும் ஜனாதிபதி தேர்தலில் போட்டியிட விரும்புகின்ற கோத்தபாய போன்ற பலமிக்க சிங்கள தலைவர்கள் எவரும் முஸ்லிம்களை காப்பாற்ற முயற்சிக்கவில்லை. 

அவ்வாறு முஸ்லிம்களை காப்பாற்ற முற்படுகின்றபோது அது எதிர்காலத்தில் தங்களது வாக்கு வங்கியில் சரிவை ஏற்படுத்தும் என்ற அச்சமே தவிர, நீதியை நிலைநாட்டி சட்டத்தின் ஆட்சியை கடைப்பிடிக்க வேண்டும் என்ற என்னமோ, சிறுபான்மையினரை பாதுகாக்க வேண்டும் என்ற நோக்கமோ அவர்களிடம் இல்லை. 

மாறாக இனவாத தீயை மூட்டிவிட்டு அதில் குளிர் காய்ந்துகொண்டு அடுத்த தேர்தலை வெற்றிகொள்வது எவ்வாறு என்ற சிந்தனை மட்டுமே இந்த சிங்கள தலைவர்களிடம் காணப்படுகின்றது. 

இனவாதிகளின் பிரச்சாரத்தின் பயனாக முஸ்லிம் மக்கள் மீது அப்பாவி சிங்களவர்கள் கொண்டுள்ள தப்பபிப்பிராயங்களையும், சந்தேகங்களையும் இல்லாமல் செய்வதற்கு முஸ்லிம் தலைவர்கள் சிங்கள மக்கள் மத்தியில் நேரடியாக பிரச்சாரங்களை முன்னெடுப்பது சாத்தியமற்ற விடயமாகும். 

அவ்வாறு பிரச்சாரத்தினை மேற்கொண்டால் அதனை ஏற்றுக்கொள்ளும் மனோநிலையில் சிங்கள மக்கள் இல்லை.

முஸ்லிம்களுக்கு எதிரான இனவாதத்தின் வளர்ச்சி கடந்த காலங்களைவிட அதி உச்சநிலையில் உள்ளது. நாங்கள் எதனை கூறினாலும் அதனை தவறான கண்ணோட்டத்தோடுதான் பார்க்கின்றார்கள்.

அவ்வாறானால் சிங்கள மக்கள் மத்தியில் எங்களது செய்திகளை எத்திவைப்பது எவ்வாறு ? இனவாதிகளின் போலி பிரச்சராத்தினை முறியடித்து சிங்கள மக்களின் மனங்களில் உண்மையை பதியச்செய்வது எப்படி என்பதுதான் இன்றைய கேள்வியாகும்.

சக்திமிக்க சிங்கள தலைவர்கள் முன்வராத நிலையிலும், சிங்கள தொலைக்காட்சிகள், வானொலிகள், பத்திரிகைகள் தொடர்ந்து இனவாத கருத்துக்களை பரப்பி வருவதனாலும்

ஆட்டம், பாட்டம், கொண்டாட்டத்தின் மூலம் சிங்கள மொழியில் தொலைகாட்சி மற்றும் வானொலி அலைவரிசைகள் மூலமாக அம்மக்களை கவரச் செய்து அதன்மூலமாக எமது நியாயங்களையும், உண்மைகளையும் தெளிவுபடுத்த வேண்டும். 

யுத்தம் நடைபெற்றபோது விடுதலைப் புலிகள் தங்களது நியாயத்தினை சிங்கள மக்களுக்கு எத்திவைக்கும் நோக்கோடு சிங்கள வானொலியை நடாத்தி வந்தார்கள். அதனை சிங்கள மக்கள் தவறாது செவிமடுத்து வந்தார்கள் என்பது இங்கே குறிப்பிட வேண்டிய விடயமாகும். 

எது எப்படி இருப்பினும் இன்று சிங்கள மக்களின் மனங்களில் ஆழ ஊடுருவியுள்ள இனவாத தீயை இலகுவில் அணைத்துவிட முடியாது. அதற்கு சிங்கள அரசியல் தலைவர்களும், மகாசங்கத்தினர்களும் முன்வரவேண்டும். வருவார்களா என்பதுதான் இன்றைய கேள்வியாகும்.

முகம்மத் இக்பால்
சாய்ந்தமருது

Share:

Read More

‘இனவாதத் தாக்குதலுடன் தொடர்புபட்ட 450க்கும் மேற்பட்டோர் விடுவிப்பு - றிஷாட்

‘இனவாதத் தாக்குதலுடன் தொடர்புபட்ட 450க்கும் மேற்பட்டோர் விடுவிப்பு - றிஷாட்
___________________________________________

அரசாங்கத்துக்கு நாங்கள் விடுத்த கோரிக்கைகளை நிறைவேற்றிக் காெள்ளாதவரை அமைச்சுப் பதவிகளை மீண்டும் பொறுப்பேற்றுக் கொள்ளாமல் இருப்பதே எமது நிலைப்பாடு.

அத்துடன் அரசியல் இலாபம் பெற்றுக் கொள்ள முயற்சிப்பவர்களே என் மீது குற்றச்சாட்டு தெரிவித்திருக்கின்றார்களே எந்தப் பாதுகாப்புப் பிரிவினரும் என்மீது குற்றம் சாட்டவில்லை என அகில இலங்கை மக்கள் காங்கிரஸ் தலைவரும் நாடாளுமன்ற உறுப்பினருமான ரிஷாத் பதியுதீன் தெரிவித்தார்.

பதவி விலகிய முஸ்லிம் அமைச்சர்களில் குற்றச்சாட்டுகள் சுமதத்ப்படாதவர்கள் மீண்டும் அமைச்சுப் பதவிகளை ஏற்றுக் கொள்ள வேண்டும் என தெரிவிக்கப்படும் நிலையில் அகில இலங்கை மக்கள் காங்கிரஸின் நிலைப்பாடு தொடர்பாக கருத்து தெரிவிக்கையிலேயே இவ்வாறு குறிப்பிட்டார்.

இதுதொடர்பாக அவர் தொடர்ந்து தெரிவிக்கையில், தேரர்கள் தெரிவித்ததற்காகவோ அல்லது வேறு அரசியல் தலைமைகள் தெரிவித்ததற்காகவோ முஸ்லிம் அமைச்சர்கள் தங்கள் பதவிகளை இராஜினாமாச் செய்யவில்லை.

மாறாக அன்றைய நிலையில் ரதன தேரரின் உண்ணாவிரதம் மற்றும் ஞானசார தேரரின் எச்சரிக்கை போன்ற காரணத்தினால் முஸ்லிம் சமூகத்துக்கு பாரிய அழிவு ஏற்படுவதை தடுப்பதற்கும் அதன் மூலம் நாட்டுக்கு ஏற்படும் பாதிப்பை தவிர்க்கவுமே நாங்கள் பதவி விலக தீர்மானித்தோம்.
அத்துடன் நாங்கள் பதவி விலகும்போது அரசாங்கத்துக்கு பல கோரிக்கைகளை முன்வைத்தோம். அந்த கோரிக்கைகள் இன்னும் முழுமையாக நிறைவேற்றப்படவிலலை.

மேலும் இனவாதத் தாக்குதலுடன் தொடர்புபட்டவர்கள் எனக் குற்றம் சாட்டப்பட்டு கைதான 450க்கும் மேற்பட்டோர் விடுவிக்கப்பட்டுள்ளனர். ஆனால், சிறு சிறு காரணங்களுக்காக முஸ்லிம் மக்கள் கைது செய்யப்பட்டு பிணை வழங்க முடியாத வகையில் தடுத்து வைக்கப்பட்டுள்ளனர் என்றும் அவர் தெரிவித்தார்.

Share:

Read More

“டாக்டர் சாபி என்னை மன்னித்துக்கொள்ளுங்கள்”!!!!!

அரசியல் எனக்கு சரிப்பட்டு வருமா?
“டாக்டர் சாபி என்னை மன்னித்துக்கொள்ளுங்கள்”!!!!!

2015 பொதுத்தேர்தலுக்குமுன் எனது மிக நெருங்கிய வைத்திய நன்பரிடம் இருந்து ஓர் அழைப்பு வந்தது “மச்சான் நீ அரசியலுக்குள்ள வந்த மாதிரியே இன்னுமொரு என்னுடைய சக வைத்திய நன்பர் அரசியலுக்குள் இழுப்பதற்கான பலத்த முயற்ச்சி நடைபெறுகின்றது.

அந்த வைத்தியர் உன்னோடு கொஞ்சம் பேசனுமாம் உன்னுடைய mobile numberஅ கொடுக்கயா?மச்சான்” அதற்கு ஆம் என்று எனது சம்மதத்தை தெரிவித்தேன் ஒரு மணி நேர இடைவெளியில் ஒரு அறியாத இலக்கத்தில் இருந்து ஓர்அழைப்பு வந்தது “ அஸ்ஸலாமு அலைக்கும்” நான் டாக்டர் சாபி பேசுகிறேன் Engineer சிப்லி பாறுக்கா பேசிறிங்க? நன்பன் xxxxx டாக்டர் கதைத்தாரா?

எனக்கு மிகவும் தடுமாற்றமாக இருக்கிறது இம்முறை பொதுத்தேர்தலில் நான் இறங்க வேண்டும் என்று xxxx கட்சியால் எனக்கு பலத்த அழுத்தமான அழைப்பாக உள்ளது என்னுடைய நிலைமையில் இருந்துதான் நீங்களும் அரசியலுக்குள் வந்ததாக நண்பன் டாக்டர் xxxxx சொன்னார் இந்த politics நமக்கெல்லாம் சரிப்பட்டுவருமா? என்று கேட்டார் அவருக்கு இந்த அரசியல் பற்றிய எனது சிறிய அனுபவத்தை பகிர்ந்துகொண்டேன்.

1. Politics இல் ஈடுபடுவதென்றால் கண்ணாடிப்பெட்டிக்குள் வாழ்வது போன்றது.

2. நல்லது செஞ்சா வரவேற்பு கிடைக்க வேண்டும் என்று எதிர்பார்ப்பு இருக்கக்கூடாது .

3. இருக்கிற முக்காவாசி சொத்த அளிச்சித்தான் நேர்மையான அரசியல் செய்ய வேண்டும்.

4. கடக்கும் வரைதான் அண்ணன் தம்பி அதற்கப்புறம் நீ யாரோ நான் யாரோ செய்யிறதுக்கெல்லாம் இங்கு பிரதிபலன் எதிர்பார்க்கக்கூடாது.

5. உங்களை அரசியலுக்கு இழுக்கிற ஆளே உங்கட எதிரியா மாறலாம்.

6. குடும்பம், பிள்ளைகள், மனைவி என்றெல்லாம் சிந்தித்து அவர்களுக்கு நேரம் ஒதுக்கிக்கொண்டு இந்த வேலைய செய்ய முடியாது.

7. நடுச்சாமத்தில call எடுத்து hello என்று சொன்னதற்கு பிறகு என்ன sir தூக்கமா? என்று கேட்பார்கள் அதற்காக “தூங்கினால் எப்படி உங்களுக்கு பதில் சொல்லியிருப்பேன்” என்று நீங்கள் அவரிடம் கேட்கமுடியாது பொறுமையாக அவருடைய பிரச்சினையை கேட்டு அதற்குரிய ஆறுதலான பதிலை நீங்கள் சொல்லிவிட்டு தூங்க வேண்டும் அல்லது சில சமயங்களில் அந்தப்பிரச்சினையை நடுநிசியிலும் எழுந்து சென்று தீர்த்துவைக்கவும் வேண்டும்.

8. நாம் செய்ததை எல்லாம் மக்கள் ஞாபகம்வைத்திருக்கும் என்று ஒருபோதும் நினைத்துவிடக்கூடாது.

9. உங்கள் வாழ்க்கை ஓர் இயந்திர வாழ்க்கையாக மாற்றம் பெறும்.

இப்படி எத்தனையோ விசயத்தை சொன்ன நான் இந்த நல்லாட்சி உங்களை சிறையில் அடைத்து பின்பு உங்கள்மீதான குற்றத்தை மக்களிடம் இருந்து கோரும் என்பதை சொல்லத்தெரிந்திருக்கவில்லை “டாக்டர் சாபி என்னை மன்னித்துவிடுங்கள்”. நமக்கு அரசியல் சரிப்பட்டுவராது என்று இன்னும் நான் உங்களுக்குச் சொல்லவில்லை.

பொறியியலாளர் ஷிப்லி பாரூக்,
காத்தான்குடி நகர சபை உறுப்பினர் 

Share:

Read More

முஸ்லிம் தலைவர்களுக்கிடையிலான கலந்துரையாடல்

இராஜினாமா செய்த அமைச்சுப் பதவிகளை மீண்டும் பொறுப்பேற்பது தொடர்பில், எதிர்வரும் 18ஆம் திகதி முஸ்லிம் தலைவர்களுக்கிடையில் கலந்துரையாடலொன்றில் ஈடுபடவுள்ளதாக, நாடாளுமன்ற உறுப்பினர் அமீர் ஹலீம் தெரிவித்தார்.

அமைச்சுப் பதவிகளை மீண்டும் பொறுப்பேற்குமாறு, மஹா சங்கத்தினர் விடுத்த வேண்டுகோள் தொடர்பாக ஆராயவே, இந்தச் சந்திப்பு இடம்பெறவுள்ளதாக அவர் கூறினார்.

(தமிழ் மிரர்)

Share:

Read More

ஒரு மணித்தியாலத்தில் வீடுகள் பள்ளிவாசல்களிலுள்ள குர்ஆன்களை அகற்றுமாறு உத்தரவிட்ட பொலிஸ்

ஏறாவூரில் பொலிஸ் உத்தியோகத்தரின் முறையற்ற செயற்பாடு தொடர்பில் அலி ஸாஹிர் மௌலானா அவர்களின் முயற்சிக்கு  உடனடி தீர்வு...

ஏறாவூர் பிரதேசத்தில் உள்ள பள்ளிவாசல்கள் மற்றும் வீடுகளில் காணப்படும் குர்ஆன் மற்றும் ஹதீஸ் வசனங்கள் அனைத்தையும் ஒரு மணித்தியாலத்திற்குள் அகற்றுமாறு ஏறாவூர் பொலிஸ் நிலையத்தில் கடமையாற்றும் பொலிஸ் உத்தியோகத்தர் ஒருவரினால் இன்று அறிவுறுத்தல் வழங்கப்பட்டமை தொடர்பில் ஏறாவூர் பள்ளிவாசல்கள் முஸ்லிம் நிறுவனங்களின் சம்மேளனத்தின் சார்பில் அதன் தலைவரினால் நாடாளுமன்ற உறுப்பினர் அலி ஸாஹிர் மௌலானா அவர்களின் கவனத்திற்கு கொண்டு செல்லப்பட்டதை அடுத்து குறித்த பிரச்சனை தொடர்பில் பிரதி பொலிஸ் மா அதிபர் தம்மிக்க பெரேரா மற்றும் ஏறாவூர் பொலிஸ் நிலைய பொறுப்பதிகாரி நளின் ஜயசுந்தர ஆகியோருக்கு அறிவிக்கப்பட்டு உடனடியாக பொலிஸாரின் குறித்த அறிவுறுத்தல் மீளப் பெறப்பட்டுள்ளது.

குறித்த விடயம் தொடர்பில்  ஏறாவூர் பள்ளிவாசல்கள்  சம்மேளனத்தினால் இன்று  சனிக்கிழமை  நாடாளுமன்ற உறுப்பினர் அலி ஸாஹிர் மௌலானா அவர்களின் கவனத்திற்கு கொண்டு செல்லப்பட்டதை அடுத்து உடனடியாக பிரதி பொலிஸ் மா அதிபர் மற்றும் பொலிஸ் நிலைய பொறுப்பதிகாரி ஆகியோரை தொடர்பு கொண்ட அவர் தனது அதிருப்தியையும் கண்டனத்தையும் வெளியிட்டதுடன் , சட்டமாக்கப்படாத எந்த ஒரு விடயத்தையும் தற்துணிவின் அடிப்படையில் ஒரு சில பொலிஸ் உத்தியோகத்தர்கள் அமுலாக்க முற்படுவது முறையான செயற்பாடு அல்ல எனவும் இது தொடர்பில் உடனடி கவனம் செலுத்துமாறும் கேட்டுக் கொண்டார் .

 அத்துடன் பள்ளிவாசல்களிலும் , வீடுகளிலும் அல் குர்ஆன் வசனங்களை வைத்திருப்பதை தடை செய்ய முற்படுவது மத நிந்தனை செயற்பாடாகவே உள்ளது , தேசிய மொழிக் கொள்கையின் பிரகாரம் அரச பொது இடங்களில் உள்ள வேற்று மொழியிலான  வாசகங்கள் அகற்றப்பட வேண்டும் என கூறப்பட்ட விடயத்தை தமது தனிப்பட்ட விருப்பு வெறுப்புக்களை முன்னிலை படுத்தி  பள்ளிவாசல்களிலும் வீடுகளிலும் , வாகனங்களிலும் உள்ள அல் குர்ஆன் வசனங்களை அகற்ற வேண்டும் என்று எச்சரிக்கும் பொலிஸாரின் செயற்பாடு முற்றாக நிறுத்தப்பட்டு இவ்வாறான செயலில் ஈடுபடுபவர்களுக்கு எதிராக நடவடிக்கை எடுக்கப்பட வேண்டும் எனவும் கேட்டுக் கொண்டார்.

இது தொடர்பில் உடனடியாக கவனம் செலுத்துவதாகவும் பள்ளிவாசல்கள் , வீடுகள் மற்றும் வாகனங்களில் காணப்படும் குர்ஆன் வசனங்களை அகற்ற வேண்டிய எந்த அவசியமும் இல்லை எனவும் பிரதிப் பொலிஸ் மா அதிபர் தம்மிக்க பெரேரா மற்றும் ஏறாவூர் பொலிஸ் நிலையப் பொறுப்பதிகாரி நளின் ஜெயசுந்தர ஆகியோரினால் நாடாளுமன்ற உறுப்பினர் அலி ஸாஹிர் மௌலானா அவர்களிடம் உறுதியளிக்கப்பட்டுள்ளது.

Share:

Read More

பயங்கரவாதியின் சடலத்தை புதைக்க முடியாமல் தடுமாறும் இலங்கை பொலீஸ்

மட்டக்களப்பு, சீயோன் தேவாலயத்தில தற்கொலை குண்டு தாக்குதல் மேற்கொண்ட தற்கொலையாளி முகமது நாசார் முகமது ஆசாத்தின் சடலத்தை தமது பிரதேசங்களில் புதைக்க மக்கள் எதிர்ப்பு தெரிவிப்பதன் காரணமாக சடலத்துடன் மட்டக்களப்பு பொலிஸார் திக்கு முக்காடுவதாக தெரிவிக்கப்படுகின்றது. 

கடந்த 21 ஆம் திகதி இடம்பெற்ற தற்கொலை குண்டு தாக்குதலை மேற்கொண்ட காத்தான்குடியைச் சேர்ந்த முகமது நாசார் முகமது ஆசாத்தின் தலை மற்றும் உடற்பாகங்கள் மரபணு பருசோதனையில் அவருடையது என உறுதிப்படுத்தப்பட்டது. 

இந்த நிலையில் கடந்த வெள்ளிக்கிழமை 7 ஆம் திகதி மட்டக்களப்பு நீதவான் நீதிமன்ற நீதவான் சடலத்தை அரச செலவில் அடக்கம் செய்யுமாறு அரசாங்க அதிபருக்கு கட்டளை பிறப்பித்திருந்தார். 

இதனை அடுத்து பொலிஸார் சடலத்தை மட்டு. விமான நிலையப் பகுதில் உள்ள புதூர், ஆலையடி இந்து - கிறிஸ்தவ மயானப் பகுதியில் செவ்வாய்க்கிழமை அடக்கம் செய்ய முற்பட்டதை அடுத்து அங்கு பிரதேச மக்கள் எதிர்பு தெரிவித்து ஆர்ப்பாட்டம் செய்தனர். 

இதனை அடுத்து பொலிஸார் சடலத்தை புதன்கிழமை (12) காத்தான்குடி பஸ் டிப்போக்கு அருகிலுள்ள முஸ்லிம் மயானத்தில் அடக்கம் செய்ய முற்பட்டட போது அப்பிரதேச மக்கள் எதிர்ப்பு தெரிவித்து வீதியை மூடினர். 

இந்நிலையில் பொலிஸார் நேற்று (13) மட்டக்களப்பு பொலநறுவை எல்லைப் பகுதியான ரிதிதென்னை இராணுவ முகாமிற்கு அருகில் வனபரிபாலன திணைக்களத்துக்கு சொந்தமான காட்டுப் பகுதியில் சடலத்தை புதைப்பதாக இருந்த நிலையில், அங்கும் மக்களின் எதிர்ப்பு காரணமாக சடலம் மட்டு. போதனா வைத்தியசாலை பிரேத அறையில் கொண்டு செல்ப்பட்டு தற்போது வைக்கப்பட்டுள்ளது. 

(AdaDerana)

Share:

Read More

தனி சிங்கள கிராமத்தில் அமைந்துள்ள கப்தரை பள்ளிவாசல்

மூன்று நூற்றாண்டு காலம் பழமைவாய்ந்த வெலிகம கப்தரை பள்ளிவாசல் பல சிறப்பம்சங்களை கொண்டு தென் மாகாணத்திலே அல்லது இலங்கையிலேயே ஒரு சிங்கள கிராமத்தில் அமையப்பெற்றுள்ள ஒரே ஒரு முஸ்லீம் பள்ளிவாசல் ஆகும் .கொழும்பு மாத்தறை பிரதான வீதியில் வெலிகமைக்கு அருகாமையில் காணலாம்.

தனி சிங்கள கிராமத்தில் அமையப்பெற்றுள்ள இந்த பள்ளிவாசல் அமையப்பெற்றமைக்கான காரணம் ஒரு வரலாறாக பதிவு செய்யப்பட்டுள்ளது.

1993 தினகரன், மற்றும் 2010 சிங்கள பத்திரிகையில் வெளியாகிய கட்டுரை பள்ளிவாசல் பதாதையில் ஒட்டப்பட்டுள்ளது.
அதனை அடிப்படையாக கொண்டு இந்த பதிவு
இந்த பள்ளிவாசல் அமையப்பெற்ற வரலாறு முஸ்லீகளை மாத்திரம் அல்லாது அப்பிரதேச சிங்கள மக்களை கூட ஆச்சரியத்தில் ஆழ்த்திய ஒரு சம்பவமாகவே உள்ளது சிங்கள மக்கள் அப்பளிவாசல் விடயத்தில் மிகவும் பயபக்தியோடும் கண்ணியமாகவும் அன்று தொடக்கம் இன்றுவரை நடந்துக்கொள்கின்றார்கள் என்பதும் நோக்கத்தக்கது.

இன்றும் கடலுக்கு செல்லும் மீனவர்கள் இப்பள்ளிவாசலுக்கு காணிக்கையாக பணத்தை போட்டுவிட்டு செல்வதை வழக்கமாக அவதானிக்கலாம்.
அப்பள்ளிவாசல் மீது இவ்வளவு பக்தி ஏற்பட என்ன காரணம்.??
(1993 பத்திரிகையில் சுமார் 300 வருடம் என குறிப்பிடப்பட்டுள்ளது.)
சுமார் 300 வருடம் மூன்று நூற்றாண்டுக்கு முன் சிங்கள மீனவர் குழு ஒன்று கடலுக்கு மீன்பிடிக்க சென்று இருந்த போது அந்த நேரம் கடலில் ஒரு பெட்டி மிதந்து வருவதைகண்டு அந்த பெட்டியை எடுக்க முயற்சி செய்து இருக்கின்றார்கள் ஆனால் அவர்கள் அதனை நெருங்க நெருங்க அந்த பேட்டி ஆழ்கடலை நோக்கி செல்வதை அவதானித்தார்கள் அவர்களின் முயற்சி தோல்வி அடைந்தது அவர்கள் மீண்டும் கடலில் இருந்து கரைக்கு வரும்போது அந்த பெட்டி கரையை நோக்கி வந்து இருப்பதை அவதானிதார்கள் மீண்டு அந்த பெட்டியை நெருங்கும்போது அந்த பெட்டி ஆழ்கடலை நோக்கி சென்றதை பார்த்து ஆச்சரியப்பட்டார்கள்
அதில் அரபு எழுத்துக்களால் எழுதப்பட்டு இருப்பதை கண்டு
எதற்கும் நாம் பக்கத்து ஊரில் உள்ள முஸ்லீகளை அழைத்து வந்து இந்த பெட்டியை எடுப்போம் என்ற எண்ணத்துடன் பக்கத்து கிராம முஸ்லீம்களுக்கு இது தொடர்பாக அறிவிக்கின்றார்கள்.

முஸ்லீம்கள் கடற்கரையை நோக்கி சென்று கரையை நோக்கி வந்த அந்த பெட்டியை கரைக்கு கொண்டுவந்து முஸ்லீம்களும் சிங்களவர்களும் ஏதோ புதையல் கிடைத்துவிட்டது என்று அந்த பெட்டியை திறந்து பார்க்கின்றார்கள்அவர்களுக்கு ஏமாற்றமே இருந்தது
அந்த பெட்டியில் குங்குமம் வாசனையுடன் ஒரு கபன் இடப்பட்ட ஜனாஸா,மிஸ்வாக் குச்சி, குத்து விளக்கு மற்றும் ஷெய்ஹ் Inaayatullah என்று எழுதிய ஒரு அட்டை இருந்தன
கோபத்துடன் சிங்கள மக்கள் உங்கள் ஊருக்கே கொண்டு போய் இதை அடக்கம் செய்துவிடுங்கள் என வேண்டிக்கொண்டார்கள்
கரைக்கு எடுத்து வந்த அந்த பெட்டியை
அப்பிரதேசத்தில் இருந்து தூக்கி செல்ல முயன்றபோது அவர்களால் அந்த பெட்டியை அசைக்க முடியவில்லை.

சிங்கள மக்களும் சேர்ந்து செய்த முயற்சியாலும் அந்த பெட்டியை அசைக்க முடியாமல் போனது பின்னர்
இந்த ஜனாஸா ஒரு மாபெரும் மகான் ஒன்றின் ஜனாசாவாக இருக்கலாம் என ஊகிக்கின்றார்கள்.இந்த ஜனாஸா இந்த இடத்தில் தான் அடக்கம் செய்ய வேண்டுமாக இருக்கும் என கூற சிறு இடம் கேற்கின்றார்கள்.

ஆனாலும் சிங்கள மக்கள் இந்த ஜனாஸா வை இந்த பிரதேசத்தில் அடக்கம் செய்ய ஒரு அங்குலம் கூட இடம் தர மாட்டோம் என காணி உரிமையாளர் கூற முஸ்லீம்கள் நாளை நாம் எமது ஊரு ஜமாத்தினர்களிடமும் கலந்து ஆலோசனை செய்து வருகிறோம் என கூறி
ஊர் முஸ்லீம்கள் கலந்து ஆலோசித்து அந்த ஜனாஸாவை முஸ்லீம் கிராமத்திற்கு கொண்டு வந்து அடக்கம் செய்வோம் என முடிவு செய்கின்றார்ள்.
என்ன அதிசயம் அதிகாலையிலேயே காணி உரிமையாளர் இன்னும் சிலரும் முஸ்லீம் கிராமத்திற்கு வந்து என்னை காப்பாற்றுங்கள் உடனே வந்து அந்த ஜனாஸாவை எனது காணியில் அடக்கம் செய்யுங்கள் இதற்காக நான் இந்த நான்கு ஏக்கர் காணியை தருகிறேன் என கதறினார் .

உங்களுக்கு என்ன நடந்தது என முஸ்லீம்கள் கேற்க அதற்கு அவர் நேற்று அந்த பெரியார் என் கனவில் வந்து என்னை உனது காணியில் அடக்க செய்ய மறுத்து விட்டாயா என கூறி எனது முதுகில் அடித்தார் என தன் முதுகை காட்டினார்.

பின்னர் முஸ்லீம்கள் அவருக்கு ஆறுதல் கூறி அந்த ஜனாஸாவை அந்த பிரதேசத்தியிலேயே அடக்கம் செய்கின்றார்கள்.

இந்த சம்பவம் முஸ்லீம் சிங்கள உறவை மேலும் வலுப்படுத்தியதாக கூறப்படுகின்றது பின்னர்
முஸ்லீம்கள் அவரின் ஜனாஸா அடக்கம் செய்யப்பட்ட இடத்திலேயே ஒரு சிறிய பள்ளிவாசலையும் நிர்மானிதார்கள் காலப்போக்கில் பள்ளிவாசல் புணர்நிர்மானம் செய்யப்பட்டு ஒரு கேந்திர இஸ்தானமாக இன்றும் இப்பளிவாசல் காட்சியலிக்கின்றது. இன்றும் இந்த சியாரம் அந்த பள்ளிவாசலில் காணக்கூடியதாக உள்ளது.

பள்ளிவாசலில் முன்பக்க காணியில் புதைத்த மிசவாக் துண்டு ஒரு நிழல் தரும் மிஷ்வாக் மரமாக இருந்தது.
1914 ஆம் ஆண்டு முஸ்லீம் சிங்கள கலவரத்தில் இப்பள்ளிவாசலுக்கு அநியாயம் செய்யவந்தவர்களுக்கு பல ஆச்சரியம் தரும் சம்பவங்கள் நடைபெற்று இருப்பதாகவும் பின்னர் அவர்கள் திரும்பி சென்றதாகவும் குறிப்பிடப்பட்டுள்ளது.

வெலிகம பிரதேசத்தில் சந்தர்ப்பங்களில் ஏற்பட்ட முஸ்லீம் சிங்கள கலவரங்களின் போதும் எந்த சந்தர்ப்பத்திலும் இப்பளிவாசளுக்கு எந்த சேதமும் சிங்களவர்களால் செய்ய வில்லை என்பதும் குறிப்பிடத்தக்கது.
அதேவேளை பொலிஸ் அதிகாரிகள் கலவரங்கலின் போது இப்பள்ளிவாசளுக்கு பாதுகாப்பு கடமைக்கு செல்லும் போது சிங்களவர்களால் போலீஸ் அதிகாரிகளுக்கு நீங்கள் இந்த பள்ளிவாசலுக்கு பாதுகாப்பு வழங்க தேவையில்லை இந்த பள்ளிவாசளை நாங்களே பாதுகாப்பு வழங்குவோம் எனவும் கூறப்பட்டுள்ளது
இந்த சம்பவங்களினால் இப்பளிவாசல் மிக பிரசித்தி பெற்ற கேந்திர இஸ்தானமாக வெலிகாமத்தில் திகழ்ந்து வருகின்றமையும் குறிப்பிடத்தக்கது.

இவ்வாறாக பல அற்புதமான வரலாற்று சம்பவத்தை கொண்டு வெலிகம கப்தரை பள்ளிவாசல் இன்றும் அப்பிரதேச சிங்கள மக்களாலும் கண்ணியமான முறையில் பாதுகாக்ப்பட்டு வருக்கின்றமையும் குறிப்பிடத்தக்கது.

நன்றி : வெலிகம நியூஸ் இணையம்

Share:

Read More

திஹாரிய அல் அஸ்ஹரின் பாடசாலைக் கீதம் புதிய வடிவில் தயாரிக்கப்பட்டு பாடசாலைக்கு கையளிக்கப்பட்டது

அல் அஸ்ஹர் மத்திய கல்லூரியின் பாடசாலை கீதம் புதிய வடிவில் உருவாக்கப்பட்டு இன்று ஜூன் மாதம் 13ஆம் திகதி அன்று பாடசாலைக்குக் கையளிக்கப்பட்டது.

இந்த பாடலை 98 வகுப்புத் தோழன் மஸாஹிர் மஸ்தூக் தயாரித்திருந்தார்.

எமது பாடசாலை கீதம் எமது பாடசாலையின் முன்னால் அதிபர் மர்ஹூம் நயீம் ஷரிப்தீன் அவர்களால் எழுதப்பட்டது என்பது குறிப்பிடத்தக்கது.

உணர்வுபூர்வமாக இடம் பெற்ற இந்த நிகழ்வில் பிரதம அதிதியாக மர்ஹூம் நயீம் ஷரிப்தீன் அதிபரது துனைவியார் பரீதா ஆசிரியை அவர்கள் கலந்துகொண்டார். சிறப்பு அதிதிகளாக ஹரூபா ஆசிரியை மற்றும் மரீனா ஆசிரியை, பாடசாலையின் அதிபர் அஸ்மிர் ஆசியரியர் மற்றும் பிரதி அதிபர் முபாரிஸ் ஆசிரியர் கலந்து சிறப்பித்தனர்.

அத்தோடு பாடசாலை அபிவிருத்திக்குழு உறுப்பினர்கள், பழைய மாணவர் சங்க உறுப்பினர்கள் மற்றும் பழைய மாணவிகள் சங்க உறுப்பினர்கள் ஆகியோரும் கலந்து சிறப்பித்தினர்.

இந்த முயற்சியில் கைகோர்துக்கொண்ட 98 வகுப்புத் தோழர்கள் அனைவருக்கும் நன்றிகள்.

Thanks - fb of 98 Batch

Share:

Read More

இராணுவத்தின் மரநடுகை வேலைத்திட்டத்துக்கு மாவனல்லை Re-tree Srilanka அமைப்பினால் 2 ஆயிரம் மரக்கன்றுகள் அன்பளிப்பு

இராணுவத்தின் மரநடுகை வேலைத்திட்டத்துக்கு மாவனல்லை
Re-tree Srilanka அமைப்பினால் 2ஆயிரம் மரக்கன்றுகள் அன்பளிப்பு

+++++++++++++++++++++++++++++++++++++++++++++++++++++++++++++++++

(மாவனல்லை நிருபர்)

“துருலிய வெனுவென் அபி” எனும் தொனிப்பொருளில் இலங்கை இராணுவம் முன்னெடுத்துள்ள மர நடுகை வேலைத்திட்டத்துக்கு மாவனல்லை ரீ–டிரீ ஸ்ரீலங்கா (Re-tree Srilanka ) எனும் அமைப்பினால் 2ஆயிரம் மரக்கன்றுகள் அன்பளிப்பு செய்யப்பட்டது.

மாவனல்லை இளைஞர்களை உள்ளடக்கிய ரீடிரீ ஸ்ரீலங்கா அமைப்பினால் குறித்த மரக்கன்றுகள் கடந்த செவ்வாய்க்கிழமை; கேகாலை மாவட்ட கட்டளைத்தளபதி மேஜர் ஜகத் பல்லேகும்பரவிடம் கையளிக்கப்பட்டது.

வில்பத்து தேசிய வனத்தை பாதுகாக்கும் வகையில் “துருலிய வெனுவென் அபி” எனும் தொனிப்பொருளில் அப்பகுதியில் மரநடுகை வேலைத்திட்டமொன்றை இலங்கை இராணுவம் முன்னெடுத்து வருகின்றது. அவ்வேலைத்திட்டத்துக்கு மாவனல்லை இளைஞர்களினால் 2ஆயிரம் மரக்கன்றுகள் அன்பளிப்பு செய்யப்பட்டுள்ளமை விசேட அம்சமாகும். 

Share:

Read More

ரஷ்யாவில் நடைபெற்ற அனர்த்தங்களை எதிர்கொள்வது சம்பந்தமான பயிற்சி ; இலங்கையில் இருந்து ரஞ்சித் மத்தும பண்டார கலந்து சிறப்பித்தார்

12 ஆவது ஒருங்கிணைந்த சர்வதேச பாதுகாப்பு மற்றும் பாதுகாப்புக் கண்காட்சி சென்ற 5 ஆம் திகதி முதல் ரஷ்யாவின் மொஸ்கோ நகரில் மூன்று நாட்கள் நடைபெற்றது. இதில் உலகின் பல்வேறு நாடுகளைைப் பிரதிநிதித்துவப்படுத்தி அந்நாடுகளின் அனர்த்த முகாமைத்துவ அமைச்சர்கள் மற்றும் விடயம் சம்பந்தமான அதிகாரிகள் கலந்து கொண்டனர். 

இதில் இலங்கையைப் பிரதிநிதித்துவம் செய்து பொது நிர்வாக மற்றும் அனர்த்த முகாமைத்துவ அமைச்சர் ரஞ்சித் மத்தும பண்டார அவர்கள் கலந்து சிறப்பித்தார். பிராந்திய மற்றும் பூகோள ரீதியில் ஏற்படும் அனர்த்தங்களை எவ்வாறு எதிர்கொள்வது என்பது பற்றி ஆராய்வதே இதன் நோக்கமாகும்.நெருப்பு அணைத்தல் மற்றும் உயிரை காப்பாற்றுதலுக்கு நவீன தொழில்நுட்பத்தை பாவித்தல் பற்றி பல்வேறு நாடுகளுக்கும் இதன் போது தெளிவூட்டப்பட்டது.

(கஹட்டோவிட்ட ரிஹ்மி)

Share:

Read More

இளைஞர்களை கவர நைட் க்ளப்ஸ் இலங்கைக்கு அவசியம் - அமைச்சர் ஜோன் அமரதுங்க

இந்திய இளைஞர்களை அதிகளவாக கவர வேண்டுமாயின் இரவு நேர களியாட்ட விடுதிகள் தேவை என சுற்றுலாத்துறை அபிவிருத்தி, வனசீவராசிகள் மற்றும் கிறிஸ்தவ சமய அலுவல்கள் அமைச்சர் ஜோன் அமரதுங்க தெரிவித்துள்ளார். 

இந்தியர்களின் வருகை முக்கியம் எனவும் அவர்கள் தொடர்ந்தும் வருவார்களாயின் நாங்கள் யாரையும் நம்பி இருக்க தேவையில்லை எனவும் அவர் தெரிவித்துள்ளார். 

நேற்று (12) கொழும்பில் இடம்பெற்ற நிகழ்வொன்றின் போதே அவர் இவ்வாறு தெரிவித்துள்ளார். 

இலங்கையின் கெசினோக்கள் மிகவும் கவர்ச்சியானவை எனவும் அவர் மேலும் தெரிவித்துள்ளார். 

(AdaDerana)

Share:

Read More

கஞ்சிப் பான இம்ரானை தொடர்ந்தும் தடுத்து விசாரிக்க கோர்ட் அனுமதி

டுபாயில் பாதாள உலக தலைவன் மாகந்துர மதூஷுடன் கைது செய்யப்பட்டு நாடு கடத்தப்பட்ட கஞ்சிப்பான இம்ரானை தொடர்ந்தும் தடுத்து வைத்து விசாரணை செய்யுமாறு கொழும்பு நீதவான் நீதிமன்றம் கொழும்பு குற்றத்தடுப்பு பிரிவிற்கு அனுமதி வழங்கியுள்ளது. 

குறித்த நபரை இன்று நீதிமன்றத்தில் ஆஜர்படுத்திய போதே இந்த உத்தரவு பிறப்பிக்கப்பட்டுள்ளது. 

இதன்போது சந்தேக நபரை தொடர்ந்தும் விசாரணை செய்ய வேண்டும் என கொழும்பு குற்றத்தடுப்பு பிரிவு நீதிமன்றத்திடம் தெரிவித்திருந்தது. 

அதனடிப்படையில் குறித்த நபரை எதிர்வரும் 26 ஆம் திகதி வரையில் தடுத்து வைத்து விசாரணை செய்யுமாறும் அன்றைய தினம் மீண்டும் குறித்த நபரை நீதிமன்றத்திடம் அழைத்து வருமாறும் நீதிமன்றம் உத்தரவிட்டுள்ளது.

(அத தெரண)

Share:

Read More

ஸ்பெயின் முஸ்லிம்கள் வெளியேற்றமும் இலங்கை முஸ்லிம்கள் பெற வேண்டியே பாடமும்..

_-ஒவ்வொரு முஸ்லீமும் கட்டாயம் வாசிக்க வேண்டியது_ (கடந்த சில வருடங்களுக்கு முன் எழுதப்பட்டது -மீள் பதிவு )

அது 1609 ஆம் ஆண்டு ஏப்ரல் 9 ஆம் திகதி...

ஸ்பெயினின் கட்டலோன் பகுதியில் அமைச்சரவையை கூட்டுகிறார் மன்னர் மூன்றாவது பிலிப்.

800 வருடங்களுக்கு மேலாக ஸ்பெயினில் வாழ்ந்த முஸ்லிம்கள் வேளியேற வேண்டும் அல்லது அங்கேயே இருக்க வேண்டுமானால் கிருஸ்தவ மதத்துக்கு மாற வேண்டும் என்கிற அரச கட்டளை பிறப்பிக்கப்படுகிறது .

அமைச்சர் அவையில் பலத்த கரகோஷம். மன்னர் நல்ல முடிவை எடுத்துள்ளதாக அங்கிருந்தோர் பேசிக்கொள்ளுகிறார்கள்.

காட்டுத்தீயாக செய்தி அப்பபோதைய  ஸ்பெய்ன் முழுவதுமே பரவுகிறது.

நேற்றுவரை தேசிய கீதம் பாடி,நமது நாடு நாம் கட்டலோனியர்கள் என்கிற தேசிய வாத  பெருமை  கொண்டிருந்த முஸ்லிம்கள், 'நாம் பிறந்த இதே மண்ணிலே இருந்து வெளியேற்றப்பட போகிறோமா ?...' என  அதிர்ச்சியில் ஆழ்ந்தனர்  .

1609 தொடக்கம் 1614 வரை 10 இலட்சத்த்துக்கும் அதிகமான பரம்பரையின்  எண்ணிக்கை தெரியாமலே வாழ்ந்த முஸ்லிம்கள் உடுத்த உடையுடன் முற்றுமுழுதாக அங்கிருந்து துடைத்து எறியப்பட்டனர்.

உள்ளே இஸ்லாத்தை பின்பற்றி வெளியே கிருஸ்தவர்களாக வேடம் போட நினைத்த அப்போதைய ஸ்பெயினில் இருந்த 40 வீதமான முஸ்லிம்கள் ,கட்டாய மதமாற்றம் செய்யப்பட்டு நிரந்தர கிருஸ்தர்களாக மதம் மாற்றப்பட்டனர்.

அது நடந்தது பல ஆயிரம் ஆண்டுகளுக்கு முன்னர் அல்ல, சில நூறு ஆண்டுகளுக்கு முன்னரேயே..

இப்போதைய ஸ்பெயின் அப்போது பல பிராந்தியங்களாக பிரிக்கப்பட்டிருந்தன. வெலன்சியா பகுதியில் 1502 ஆம் ஆண்டு தொடக்கம் முஸ்லிம்களின் வெளியேற்றம் ஆரம்பமானது என்று வரலாற்று சான்றுகள் கூறுகிற போதும் பொதுவாக நோக்குகின்ற போது லைபீரியா தீபகற்பத்தில் இருந்து கடைசியாக முஸ்லிம்கள் வெளியேற்றப்பட்டது 1614 என்றே காண முடிகின்றது.

எது எப்படியோ ?  800 வருடங்களுக்கும் மேலாக ஓரு நாட்டில் வாழ்ந்த முஸ்லிம்கள் வெளியேற்றப்பட முடியுமானால்  பல நூறு வருடங்கள் வாழ்ந்து வருகிற முஸ்லிம்கள் நிலை என்ன..?

ஸ்பெய்ன் முஸ்லீம்களின் இந்த வெளியேற்றம் ஓரு இரு நாட்களில்  தீர்மானிக்கப்பட்டிருக்கவோ  திட்டமிட்டோ பட்டிருக்கவில்லை. நீண்ட காலமாக தீட்டப்பட்ட சதித்திட்டத்தை விளைவே அவர்களின் வெளியேற்றம்.

காலத்துக்கு காலம் முஸ்லிம்களுடன் செய்து கொள்ளப்பட்ட பல உடன்படிக்கைகள் மீறப்பட்டன ; முஸ்லீம்களுக்கு சொந்தமான  விலைமதிப்பற்ற நூல்கள் , நூல்நிலையங்கள் கிரனடா உட்பட பல பகுதிகளில் எரித்துச் சாம்பலைக்கப்பட்டன.

1567 ஆம் ஆண்டில் மன்னர் இரண்டாவது பிலிப் அரபி மொழியை சட்ட விரோதமாக பிரகடனப்படுத்தினார் ;

இஸ்லாம் மதத்தை தடை செய்தார் ;முஸ்லீம் கலாசாரத்துக்கு  மரபுகளுக்கு தடை விதித்தார் ;இஸ்லாமிய பாடசாலைகள் தடை செய்யப்பட்டன ; முஸ்லீம்களின் ஆடைகளை பகிரங்கமாக அணிவது தடை செய்யப்பட்டது.

இவை இடம்பெற்று வெறும் 50 ஆண்டுகளுக்குள் முஸ்லிம்கள் முழு லைபீரிய தீபகற்பத்திலும் இருந்து துடைத்து எறியப்பட்டிருந்தனர்.

முஸ்லிம்கள் வெளியேற்றப்படுவது என்பது இன்று நேற்று ஆரம்பமானதல்ல . நபிகள் நாயகம் (ஸல் ) பிறந்த மண்ணிலே இருந்து வெளியேறிய ஹிஜ்ரத்தை யாவரும் அறிந்ததே .

சரி இப்போது சம காலத்துக்கு  வருவோம்

பர்மாவில் ,பலஸ்தீனத்தில் , சிரியாவில் , இலங்கையில் இன்று தொடர்கிறது வெளியேற்ற தொடர்கதை ...

அந்தலூசில்  நானூறு  வருடங்களுக்கு முன் இடம்பெற்ற வெளியேற்றம் ; பலஸ்தீனத்தில் ஐம்பது வருடங்களுக்கு முன்னர் இடம்பெற்ற வெளியேற்றம் ;மன்னாரில், யாழ்ப்பாணத்தில் 28 வருடங்களுக்கு முன்னர் இடம்பெற்ற இதே வெளியேற்றம் ;பர்மாவில் பத்து வருடங்களுக்கு முன் இடம்பெற்ற அதே வெளியேற்றம் ஏன் நாளை காத்தான் குடியிலோ அல்லது பேருவலையிலோ அல்லது அக்குரணையிலோ இடம் பெற முடியாது என்பதில் என்ன நிச்சயம் ?

நாம் இந்த உலகில் வாழ வந்தவர்கள் இல்லை, மறுமைக்காக வாழ வந்தவர்கள். ஆனால் நமது நோக்கங்கள் தடம் பிறழும் போது மண்ணில், பொன்னில் ஆசைகள்  அதிகரிக்கும்  போது சொத்துக்களை குவிக்கிறோம். குவித்த சொத்துக்களை பாதுகாக்கும் பொருட்டு
பொறுமை என்கிற பேரில் கோழையான விட்டுக்கொடுப்புகளை செய்கின்றோம் . இந்த விட்டுக்கொடுப்புகளுக்கு மார்க்கத்தை மாற்ற மார்க்க அறிஞர்களிடம் பத்வா கேட்டு பயணம் செய்கிறோம். ஆனால் நம்மை சுற்றுயுள்ள  மரணத்தையும் சூழவுள்ள அந்நியர்களின் சதிகளையும் மறந்து விடுகிறோம் .

அப்போதைய  ஸ்பைனிலும் இதே பத்வாக்கள்  விநியோகிக்கப்பட்டிருந்தன . போராடுங்கள் என்கிற பத்வா  வழங்கப்படாமல் பாதுகாப்பு பெறுவதற்காக பகிரங்கமாக பன்றி இறைச்சியை , மதுபானத்தை ,கிறிஸ்தவ  உடைகளை உடுக்கலாம் என மார்க்க அறிஞர்களால் கூறப்பட்டிருந்தது ;பத்வாக்களை வழங்கப்பட்டிருந்தன.
சமகாலத்தில் ஐரோப்பாவில் , வட   அமெரிக்காவில் வாழுகின்ற முஸ்லிம்கள் மட்டுமல்ல தமது தாய் நாடு என்கிற தேசிய வாத வரட்டு பிடிவாதத்துடன்  இலங்கை உட்பட முஸ்லிம் அல்லாத நாடுகளில் வாழுகின்ற முஸ்லிம்கள் ஒன்றை மட்டும் உணர வேண்டும் ஸ்பெயினில் வெறும்

 400 வருடங்களுக்கு முன் இடம்பெற்ற வெளியேற்றம் ஏன் உங்களுக்கும் இடம்பெற முடியாது ?

இலங்கையிலே முஸ்லிம்கள் முதன்முதலில் குடியேறிய யாழ்ப்பாணத்தில் இருந்து அவர்கள் பல தடவைகள் வெளியேற்றப்பட்டனர்  . ஒவ்வொரு முறையும் அவர்கள் கடந்த கால வெளியேற்ற நிஜத்தை மறந்தனர் . 1990 ஆண்டு அக்டோபர் மாதம் 30 ஆம் திகதிக்கு ஓரு நாளுக்கு முன்னர் நீங்கள் நாளை  வெளியற்றப்படுவீர்கள் என அவர்களிடம்  கூறப்பட்டிருந்தாலும் அவர்கள் அதை நம்பி  இருக்க மாட்டார்கள். இதே யதார்த்த  சூழ்நிலையிலேயே இலங்கை முஸ்லிம்கள் உட்பட உலக முஸ்லிம்கள்
இன்று வாழ்ந்து வருகின்றனர்.

நிச்சயம் இல்லாத இந்த உலகிலே ஏதுவும் நடக்கும் சாத்தியம் உள்ளது.விசேடமாக  முஸ்லிம்களான நமக்கு  பிற மதத்தவர்களில் நேரடி நண்பர்களாக இருப்பவர்களை விட மறைவில் விரோதிகளாக இருப்பவர்களே அதிகம் . எனவே இன்னொரு கட்டாய வெளியேற்றம் என்பது நம்மை சுற்றி வாழுகின்ற கசப்பான உண்மை.

அதை ஏற்றுக்கொள்ள  மனம் மறுத்தாலும்  ஏற்க வேண்டிய சூழ்நிலையில் இலங்கையிலும் சரி இந்தியாவிலும் சரி ஐரோப்பிய நாடுகளிலும் சரி வாழ்ந்து கொண்டிருக்கின்றோம்.நம்மை சுற்றி நடக்கிற நிகழ்வுகள்  ஸ்பெயின் முஸ்லிம்களின்  வெளியேற்றத்துக்கு 50 ஆண்டுகளுக்கு முன் இடம்பெற்ற சம்பவங்களை ஞாபகப்படுத்துகிறது.

அதாவது அன்றைய ஸ்பெயினில் வெளியேற்றதுக்கு 50 வருடங்களுக்கு முன்னர் இடம்பெற்ற அரபி மொழி தடை ,மதரஸா தடை ,இஸ்லாமிய ஆடை தடை , இஸ்லாமிய கலாசார தடை போன்றன போன்றே சம காலத்தில் நுகர்வுப்பொருட்களில் ஹலால் முத்திரை இட தடை ,பாங்கு சொல்ல தடை ,பகிரங்கமாக பெண்கள் நிக்காப் அணிய தடை ,பள்ளிகள் கட்ட தடை ,மாடு அறுக்க தடை,உண்ணத்தடை

தலாக் மற்றும் இஸ்லாமிய குற்றவியல் தண்டனைகளை நிறைவேற்றுவதில் தடை  என  தடை பட்டியல்  தொடர்கின்றன.

இது கதையல்ல கற்பனையான அச்சுறுத்தலும் அல்ல, இது விளித்தெழ வேண்டிய தருணம்.

கட்டாய வெளியேற்றதை கண்ணால் கண்டு அனுபவித்து அதன் பாடங்களை பெற்றவன் என்கிற அடிப்படையில் அவ்வாறான நிலைகள் ஏற்படும் போது அதன் பாதிப்புக்களை தவிர்க்க என்ன நடவடிக்கைகளை முன்கூட்டி எடுக்க முடியும் என்பதை இங்கே தருகிறேன்.

*1.இறைவனோடு உள்ள தொடர்பை அதிகரிப்பது ..*

நமது அமல்களில் உள்ள குறைபாடுகளை நிவர்த்தி செய்து வருமானங்களை ஹலாலானதாக ஆக்கி பாவங்களில் இருந்து நம்மை தூரமாக்கும் போது நமது பிரார்த்தனைகள் அங்கீகரிக்கப்படும். நாம் துன்பத்தில் இருக்கும் போது முதலில் உதவுவது அளவற்ற அருளாலன் நிகரற்ற அன்புடையோன் அல்லாஹ்வே. எனவே நமது உதவிக்கான முதல் தொடர்பே அல்லாஹ்வே . ஹராமான வருமானங்களை புசிக்கும் போது இக்கட்டான நிலையில் பிரார்த்தனைகள் எப்படி அங்கீகரிக்கப்படும் ?

*2 . நமது சந்ததிகளை கற்பிப்பது ..*

மார்க்க கல்வி இல்லாத அறிஞரும் கடலின் நடுவே பெய்கின்ற மழையும் சமம் .எனவே மார்க்க கல்வியுடன் சேர்த்து உலக கல்வி அறிவை ,மொழிகளை கற்பிப்பது காலத்தின் அவசியம் ஆகும்.வடக்கில் இருந்து முஸ்லிம்கள் வெளியேற்றப்பட்டதை அடுத்து பெரும் பெரும் செல்வந்தர்கள் நடுத்தெருவுக்கு வந்த அதே வேளை,  ஆசிரியர்கள் ,வைத்தியர்கள் போன்ற கல்வி சார் தொழிலில் இருந்தவர்கள் ஒப்பீட்டளவில் சிரமத்தை எதிர் நோக்கி இருக்கவில்லை

இரண்டாம்  உலக யுத்தத்தில் ஜெர்மனியில் இருந்து வெளியேற்றப்பட யூதர்கள் சொத்துக்களை கொண்டு சென்று முன்னேறவில்லை மாறாக கற்ற கல்வி அறிவை கொண்டு பழைய நிலையை விட செல்வத்திலும் அறிவிலும் மேலான நிலைக்கு திரும்பினர்.

*3.ஓரே இடத்தில் அல்லது ஓரே நாட்டுக்குள்    அபரிமிதமாக சொத்துக்களில் முதலீடு செய்வதை முஸ்லீம் செல்வந்தர்கள் தவிர்க்க வேண்டும்* .மலேசியா ,துருக்கி ,இந்தோனேசியா ,போன்ற முஸ்லீம் நாடுகளில் மற்றும் அரபு  நாடுகளில் முதலீடுகளை பரவலாக்க வேண்டும் . யாழ்ப்பாண முஸ்லீம்களும் ஏன் அந்தலூசியா முஸ்லிம்களும் செய்த மிகப்பெரிய தவறு வெளி இடங்களில் முதலீட்டை தவிர்த்தது.யூதர்கள் இதே தவறை இரண்டாம் உலக யுத்தத்துக்கு  முன்னர் செய்த போதும் அதன் பின்னர் படித்த பாடத்தில் தம்மைத்தாமே திருத்திக்கொண்டுள்ளனர்.முதலீடுகளை பன்முகப்படுத்தி சர்வதேச மயப்படுத்தி வருகின்றனர்.

*4. வெளியூர் அல்லது வெளிநாட்டு முஸ்லீம் தொடர்புக்களை அதிகரிப்பது .*

யாழ்ப்பாண முஸ்லிம்கள் செய்த தவறும் இதுதான். யாழ்பாணத்துக்குள்ளேயே  திருமண பந்தம் வைத்துக்கொள்ளுவதை பெருமையாக கருதினர். வெளியூர்களில் திருமணம் செய்து கொண்டவர்களை சிறுமையான கண்ணோட்டத்தில் 'ஊரில முடித்தவர் ' என்கிற வார்த்தையுடன் நோக்கினார்கள் . இரண்டு மணி நேர அவகாசத்தில் வெளியேற்றப்பட்ட

 போது வெளியுலக தொடர்புகள் இன்றி நிலைகுலைந்து போயிருந்தார்.  எனவே அரசியல் எல்லைகள் கடந்து முஸ்லீம்களுக்கு இடையே திருமண பந்தங்கள் ஏற்படுத்தப்பட வேண்டும். நபிகள் நாயகம் (ஸல் )அவர்கள் கூட வெவ்வேறு கோத்திரத்தவர்களுடன் திருமண பந்தங்களை  ஏற்படுத்திக் கொண்டார்கள். சம கால சமூகத்தில்  உள்ள வெளிநாடுகளில் திருமணம் செய்கின்ற நேர்  மறையான மனோநிலைமை மாற்றப்பட வேண்டும் .

*5.  தற்பாதுகாப்பு பயிற்சிகளின் அவசியம்*
*உணர்த்தப்படல் வேண்டும்*
முஸ்லீம்களுக்கு தற்பாதுகாப்பு என்பது முக்கியமான விடயமாக மார்க்கத்தில்  வலியுறுத்தப்பட்டுள்ள போதும் எத்தனை பேர் அதில் பயிற்சி பெறுகிறோம் எத்தனை பேரின் பிள்ளைகளை பயிற்சிக்காக அனுப்புகிறோம் ?.குதிரை ஓட்டுதல் ,இலக்கு நோக்கி சுடுதல் ,நீச்சல் ஆகியன நபிகள் நாயகம் (ஸல் )அவர்களால் வலியுறுத்தப்பட்டுள்ள விடயங்கள்  ஆகும். இவ்வாறான பயிற்சிகள் நம்மை வெளியேற்றத்தின் போதோ அல்லது  எதிரிகளின் தாக்குதல்களில் இருந்தோ  நம்மை பாதுகாக்க உதவுவதுடன் தன்னம்பிக்கையை அதிகரிக்கவும் உதவுகிறது.

*6.ஒற்றுமையை வலுப்படுத்துதல் அவசியம்*

நமக்கிடையே  உள்ள ஜமாத்து குரூப்பு  பேதங்கள்,பிரதேச வாதம் ,ஈகோக்கள் , அரசியல் பிரிவினைகள் ,தேசியவாதம் ஆகியவற்றை களைந்து முஸ்லிம்கள் என்கிற நோக்கிலே இணைய வேண்டியது காலத்தின் அவசியம். கடந்த காலங்களிலே ஒவ்வொரு முஸ்லிம் நாடுகளும் ஆக்கிரம்பிக்கப்பட்டமைக்கு பின்னால் இருந்த பிரதான காரணம் நமக்குள் ஒற்றுமை இன்மையே. ஸ்பெயினில் இடம்பெற்ற முஸ்லிம்களின் வெளியற்றத்திலும் யாழ்ப்பாண முஸ்லிம்களின் வெளியற்றத்திலும் இது முக்கியமான காரணமாக இடம் பெருகிறது.

யாழ்ப்பாண முஸ்லிம்கள் வெளியேற்றதுக்கு சில வருடங்களுக்கு முன்னர் தமக்குள்ளே ஜமாஅத்து குரூப்புகளாக பிரிந்து கை கலப்பில் ஈடுபட்டு காபிர்களான புலிகளிடம் நீதி கேட்ட நிலையே அவர்கள் தமக்கு சாதகமாக பயன்படுத்திக்கொண்டார்கள். இதேபோல அந்தலூசியாவின் முஸ்லிம்கள் பிரதான கிலாபாவில் இருந்து பிரிந்து தமக்குள்ளேயே கிலாபாவை ஏற்படுத்தினார்கள். ஒரே காலத்தில் இரு  கிலாபாக்கள்  இருந்த பிரிவினை நிலை அப்போது காணப்பட்டது.

*7.பிற மொழி கற்பித்தலில் அவசியம்*

சர்வதேச மொழியான ஆங்கிலம் உட்பட அரபு மொழியை   நமது சந்ததிகளுக்கு கற்பிப்பதன் மூலம் கட்டாய  வெளியேற்றம் ஒன்றின் பாதிப்பில் இருந்து நம்மை தவிர்ந்து கொள்ள முடியும் .இலங்கையின் வடக்கு முஸ்லிம்கள் தனியே தமிழை மற்றும் பேசி வந்தார்கள் .1990 இன் பின்னரான வெளியேற்றதை அடுத்து தெற்கு நோக்கி இடம்பெயர்ந்த அவர்கள் மொழி ரீதியாக பாரிய சிரமங்களை எதிர்நோக்கினர் .புத்தளம் நோக்கி பெரும்பாலானோர் இடம்பெயர்ந்தமைக்கும் மொழியே முக்கியமான காரணமாக அமைந்தது. என்வே பிரதான மொழிகளான ஆங்கிலம் அரபு ஆகியவற்றை நமது சந்ததிகளுக்கு கற்பிப்பதில் பொதுநல அமைப்புக்கள் முதலிடு செய்வது அவசியம் .

மேற்கூறியது போல கட்டாய வெளியேற்றம் என்பது கற்பனைக்கதை அல்ல நம்மை சுற்றி வாழுகின்ற கசப்பான உண்மை .

நம்மை நாம் மாற்றாத வரை நமது நிலைமையை அல்லாஹூ தஆலா மாற்ற மாட்டான்
எனவே வரும் முன் நம்மை காக்க முயற்சி எடுக்க வேண்டியது தற்கால அவசியம் ஆகிறது .

எல்லாம் வல்ல அல்லாஹூ தஆலா நம்மை எதிரிகளின் சூழ்ச்சிகளில் இருந்து பாதுகாப்பானாக ...

-முஹம்மது ராஜி

Share:

Read More

"வாக்காளர் பதிவுக்கு மேலதிகமாக எந்தவொரு தகவலும் கோரப்படவில்லை." - NFGG இடம் தேர்தல் ஆணைக்குழுவு

"வாக்காளர் பதிவுக்கு மேலதிகமாக எந்தவொரு தகவலும்  கோரப்படவில்லை." -
தேர்தல் ஆணைக்குழு NFGG யிடம் தெரிவிப்பு-

-ஊடகப்பிரிவு-

தற்போது நாட்டில் 2019 ஆம் ஆண்டிற்கான வாக்காளர்களை பதிவு செய்யும் நடவடிக்கைகளை தேர்தல்கள் செயலகம் முன்னெடுத்து வருவது யாவரும் அறிந்ததே. இதனை ஒவ்வொரு கிராம சேவகர் பிரிவுகளிலும் அந்தந்த கிராம சேவகர்கள் ஊடாகவே தேர்தல்கள் ஆணைக்குழு மேற்கொண்டு வருகிறது.

இம்முறை குறித்த ஒரு சில பிரதேசங்களில் வாக்காளர் படிவத்துடன் சேர்த்து குடியிருப்பாளர்களின் சொத்து விபரங்களைக் கோரும் மேலதிக படிவங்களும் கிராம சேவகர்களால்   விநியோகிக்கப்பட்டுள்ளதாக எமக்கு தகவல்கள்  கிடைக்கப்பெற்றன.

இதனைத் தொடர்ந்து நல்லாட்சிக்கான தேசிய முன்னணியின் தேசிய அமைப்பாளர் நஜா மொஹமத் தேர்தல்கள் ஆணைக்குழுவின் தலைவர் மஹிந்த தேஷப்பிரிய அவர்களை சந்தித்து இந்த விடயம் குறித்து கலந்துரையாடினார்.  இதன் போது எமது வழமையான வாக்காளர்களை பதிவு செய்யும் ஆவணங்களைத் தவிர குடியிருப்பாளர்களின் சொத்து விபரங்களைக் கோரும் எந்தவொரு  படிவமோ,ஆவணங்களோ  தேர்தல்கள்  ஆணைக்குழுவினால் கோரப்படவில்லை என்பதை மஹிந்த தேஷப்பிரிய அவர்கள் உறுதிப்படுத்தினார்.

மேலும் இன்று மாலை கட்சிகளின் செயலாளர்களுடனான தேர்தல்கள் ஆணைக்குழுவின் விஷேட சந்திப்பொன்று  தேர்தல்கள் செயலகத்தில் இடம்பெற்றது. இதன் போதும் தேர்தல்கள் ஆணைக்குழுவின் தலைவர் மஹிந்த தேஷப்பிரிய அவர்கள்  குடியிருப்பாளர்களின் சொத்து விபரங்களைக்  கோரும் மேலதிக ஆவணங்கள் குறித்து அரசியல் கட்சிகளின் செயலாளர்களுக்கு தெளிவுபடுத்தியதுடன் அவ்வாறான எந்தவொரு ஆவணமும் விபரமும் தேர்தல்கள் ஆணைக்குழுவினால் கோரப்படவில்லை என்பதையும் எடுத்துக் கூறினார்.

Share:

Read More

மற்றுமொரு சாகும் வரை உண்ணாவிரதம் ; பிக்குகளும் இணைந்தனர்

மர ஆலைகளை தடை செய்வதற்கு எடுத்துள்ள தீர்மானத்துக்கு எதிராக மொரட்டுவ மர ஆலை உரிமையாளர்கள், மொரட்டுவ நகர சபை தலைவர் மற்றும் உறுப்பினர்கள் இணைந்து நேற்று முதல் சாகும் வரையிலான உண்ணாவிரதப் போராட்டத்தை ஆரம்பித்துள்ளனர். 

தொடர்ந்து சில நாட்களாக நடத்திவந்த சத்தியாக்கிரக போராட்டத்தின் பின்னரே சாகும் வரையிலான உண்ணாவிரதப் போராட்டத்தை ஆரம்பித்துள்ளனர். 

இந்தப் போராட்டத்தில் மத குருமார்களும் இணைந்து கொண்டுள்ளதாக தெரிவிக்கப்படுகிறது.

(அத தெரண)

Share:

Read More