கட்சித் தலைவர்கள் கூட்டத்தில் ஏற்பட்ட இணக்கப்பாட்டின் பிரகாரம் 22ஆவது அரசியலமைப்புத் திருத்தம் தொடர்பான நாடாளுமன்ற விவாதம் அடுத்த வாரம் வரை ஒத்திவைக்கப்பட்டுள்ளதாக ஆளும் கட்சியின் பிரதான அமைப்பாளரான அமைச்சர் பிரசன்ன ரணதுங்க இன்று (6) பாராளுமன்றத்தில் தெரிவித்தார்.
22ஆவது அரசியலமைப்புத் திருத்தம் யாரையும் மகிழ்விக்கும் நோக்கில் கொண்டுவரப்படவில்லை எனவும், நாடாளுமன்றத்தில் அனைவரும் ஏற்றுக்கொள்ளும் அரசியலமைப்புத் திருத்தத்தை கொண்டுவருவது அரசாங்கத்தின் தேவை எனவும் அவர் மேலும் குறிப்பிட்டுள்ளார்.
எனவே, 22ஆவது அரசியலமைப்புத் திருத்தம் வாபஸ் பெறப்பட்டது என்று கூறப்படுவது முற்றிலும் தவறானது எனவும் அவர் தெரிவித்துள்ளார்.
22ஆவது அரசியலமைப்புத் திருத்தம் தொடர்பான நாடாளுமன்ற விவாதம் அடுத்த வாரம் வரை பிற்போடப்பட்டமை தொடர்பில் நாடாளுமன்றத்தில் விளக்கமளிக்கும் போதே அமைச்சர் மேற்கண்டவாறு தெரிவித்தார்.
அந்த உரையாடல் பின்வருமாறு:
ஆளும் கட்சியின் பிரதம அமைப்பாளர் அமைச்சர் பிரசன்ன ரணதுங்க (ஸ்ரீ.பொ.பெ.) - தலைமை ஆசனத்தில் இருக்கும் நாடாளுமன்ற உறுப்பினர் அவர்களே, 22ஆவது அரசியலமைப்பு சீர்திருத்தத்தை மீண்டும் வாபஸ் வாங்கிக் கொண்டதாக தவறான கருத்து ஒன்று இங்கு பேசப்படுகிறது.அப்படி எதுவும் நடக்கவில்லை. இந்த திருத்தம் மக்கள் எதிர்பார்த்த திருத்தம் அல்ல என இன்று காலை நடைபெற்ற கட்சித் தலைவர்கள் கூட்டத்தில் எதிர்க்கட்சியின் பிரதான அமைப்பாளர் தெரிவித்தார். எனவே இது குறித்து மேலும் கலந்தாலோசிப்பதற்கு தேவை என்றும் அவர் கூறினார். எனவே பாராளுமன்ற தெரிவுக்குழுவொன்றை நியமித்து அனைவரது இணக்கப்பாட்டுடன் இதனை நிறைவேற்றுவோம் என எதிர்கட்சியின் பிரதம அமைப்பாளர் தெரிவித்தார். இதன்படி, 22வது அரசியலமைப்பு திருத்தம் அடுத்த வாரம் வரை ஒத்திவைக்கப்பட்டது. அதன்படிதான். மற்றபடி, இதனை வாபஸ் பெறவில்லை.
குருநாகல் மாவட்ட நாடாளுமன்ற உறுப்பினர் தயாசிறி ஜயசேகர ( ஸ்ரீ.பொ.பெ.) - அந்தத் தெரிவுக் குழுவை நியமித்த பின்னர் இது குறித்து விவாதிப்பீர்களா?
ஆளும் கட்சியின் பிரதம அமைப்பாளர், அமைச்சர் பிரசன்ன ரணதுங்க (ஸ்ரீ.பொ.பெ.)- இல்லை... நாளையும் இதைப் பற்றி பேசுவோம். தேர்வுக்குழு அமைப்பதா என்பது குறித்து இன்று முடிவு செய்யப்பட்டது. அது எங்களுக்கு ஒரு பிரச்சனை இல்லை.
குருநாகல் மாவட்ட நாடாளுமன்ற உறுப்பினர் தயாசிறி ஜயசேகர (ஸ்ரீ.பொ.பெ) - நீங்கள் முதலில் சொன்னது சரிதான். நீங்கள் இதை வாபஸ் பெறவில்லை. 18ஆம் திகதி கொண்டு வருகிறது. கட்சித் தலைவர் கூட்டத்தில் 22ஆவது அரசியலமைப்புத் திருத்தம் தொடர்பில் பேசுவதற்கு அனைவரும் இணக்கம் தெரிவித்துள்ளனர். விருப்பமுள்ள ஒருவருக்கு வாக்களியுங்கள் அல்லது சும்மா இருங்கள் என்பது எங்கள் முன்மொழிவு. அதற்கு ஆளுங்கட்சியும் சம்மதித்தது.
ஆளுங்கட்சியின் பிரதம அமைப்பாளர் அமைச்சர் பிரசன்ன ரணதுங்க - சட்டமா அதிபர் ஆகியோர் கூட்டத்திற்கு வந்து விளக்கமளித்தனர். ஆனால் அதற்குள் நீங்கள் எழுந்து வந்து விட்டீர்கள். அங்குதான் 22 வது அரசியலமைப்புத் திருத்தம் மீதான விவாதத்தை ஒத்திவைக்க முடிவு செய்தோம். இது வாபஸ் பெறவில்லை.
குருநாகல் மாவட்ட நாடாளுமன்ற உறுப்பினர் தயாசிறி ஜயசேகர (ஸ்ரீ.பொ.பெ.) - அது சரி... அது வாபஸ் பெறப்படவில்லை. ஆனால், தேர்வுக் குழுக்களை அமைப்பது குறித்து பேசவில்லை.
புத்தளம் மாவட்ட நாடாளுமன்ற உறுப்பினர் நிரோஷன் பெரேரா (SJB) - தலைமை ஆசனத்தில் இருக்கும் நாடாளுமன்ற உறுப்பினர் அவர்களே, இது இன்றைய வாபஸ் என்று நான் கூறினேன். நீங்கள் இதை ஏற்றுக்கொள்ளுங்கள்.
ஆளும் கட்சியின் பிரதம அமைப்பாளர் திரு.பிரசன்ன ரணதுங்க (ஸ்ரீ.பொ.பெ.) - இந்த விவாதத்தை இன்று நடத்துவதற்கு நாங்கள் இணக்கம் தெரிவித்தோம். யாரையும் மகிழ்விப்பதற்காக 22வது அரசியலமைப்பு திருத்தத்தை கொண்டு வர நாங்கள் விரும்பவில்லை. அனைவரும் ஏற்றுக்கொள்ளும் வகையில் அரசியலமைப்பு திருத்தத்தை கொண்டு வர விரும்பினோம்.
கம்பஹா மாவட்ட நாடாளுமன்ற உறுப்பினர் ஹர்ஷன ராஜகருணா (S.J.B) - தலைமை ஆசனத்தில் இருக்கும் நாடாளுமன்ற உறுப்பினர் அவர்களே, நாங்கள் சொல்வதை இந்த அரசாங்கம் கேட்பதில்லை. நீங்கள் விரும்பியதைச் செய்யுங்கள். பந்தை எங்களுக்கு அனுப்ப வேண்டாம். இது இன்று வாபஸ் ஆகி விட்டது.
தலைமை ஆசன பாராளுமன்ற உறுப்பினர் ஹேஷா விதானகே (S.J.B) - பாராளுமன்ற உறுப்பினர் பதில் பெற்றுக் கொண்டார். எனவே விவாதத்தில் ஈடுபட வேண்டாம்.
ஆளும்கட்சியின் பிரதம அமைப்பாளர் அமைச்சர் பிரசன்ன ரணதுங்க (ஸ்ரீ.பொ.பெ.) -தலைமை ஆசன பாராளுமன்ற உறுப்பினர் அவர்களே, இதை வாபஸ் பெறவில்லை. உடன்படிக்கையின் பிரகாரம் இதைச் செய்தோம்.
கருத்துரையிடுக