சட்ட அமைச்சு புதிய ஊழல் எதிர்ப்பு சட்டமூலத்தை அறிமுகப்படுத்தியுள்ளது, இது சட்டத்தின் கீழ் குற்றத்தை மேற்கொண்டதாக சந்தேகிக்கப்படும் அதிகாரிகளை பிடியாணை அல்லது உத்தரவு இல்லாமல் கைது செய்ய அதிகாரம் கொண்ட ஒரு சுயாதீன ஆணையத்தை உருவாக்குவதேயாகும். ஊழலுக்கு எதிராகவை இந்த சட்டம் முன்மொழியப்பட்டது.
2004 ஆம் ஆண்டு இலங்கையால் அங்கீகரிக்கப்பட்ட ஊழலுக்கு எதிரான ஐக்கிய நாடுகள் சபையின் உடன்படிக்கையின் அடிப்படையில் இந்த சட்டமூலம் உருவாக்கப்பட்டது என நீதி அமைச்சர் விஜயதாச ராஜபக்ச தெரிவித்தார்.
தற்போதுள்ள இலஞ்ச ஊழல் ஆணைக்குழுவிற்கு தற்போதைய சட்டமூலத்தில் முன்மொழியப்பட்டுள்ள அதிகாரம் இல்லை எனவும், அதேவேளையில் எந்தவொரு அரசியல் கட்சி அல்லது எந்த சார்பும் இல்லாமல் ஆணைக்குழு சுயாதீனமாக செயற்படுவது முக்கியம் எனவும் அமைச்சர் கூறினார்.
மேலும், சொத்துக்கள் மற்றும் பொறுப்புகள் தொடர்பாக தற்போதுள்ள சட்டங்களை கலைக்க முன்மொழியப்பட்டுள்ளதாகவும், அவை உத்தேச சட்டமூலத்தில் உள்ளடக்கப்படும் என்றும் அமைச்சர் கூறினார்.
மேலும், தகவல் வெளியிடுபவர்களின் உரிமைகளும் பாதுகாக்கப்படும் என்றும் அமைச்சர் கூறினார்.
பிரேரணையின்படி, ஆணையத்தின் அங்கீகரிக்கப்பட்ட எந்த அதிகாரியும், இந்தச் சட்டத்தின் விதிகளின்படி குற்றம் செய்ததாக சந்தேகிக்கப்படும் எவரையும் மஜிஸ்திரேட்டின் உத்தரவு இல்லாமல் மற்றும் பிடியாணை இல்லாமல் கைது செய்யலாம்.
காவல்துறையினரும் பிடியாணை இன்றி மக்களைக் கைது செய்ய முடியும் என்பதால், இது ஒரு அரை-நீதித்துறை அதிகாரம் அல்ல என்று அமைச்சர் வலியுறுத்தினார்.
முன்மொழியப்பட்ட பிரேரணையின் பிரிவு (58)1, “ஆணையத்தின் அங்கீகரிக்கப்பட்ட அதிகாரி, எந்தவொரு நடத்தையையும் மறைவாகக் கண்காணிக்கவும் எந்தவொரு தகவல்தொடர்புகளைப் பதிவு செய்யவும் அங்கீகரிக்கும் பிடியாணைக்காக உயர் நீதிமன்றத்திற்கு எழுத்துப்பூர்வமாக விண்ணப்பிக்கலாம். ஒரு நபர் இந்தச் சட்டத்தின் கீழ் ஒரு குற்றத்தைச் செய்தார், செய்கிறார் அல்லது செய்யப் போகிறார் என்று உறுதியாகும் போதே இதை செய்யலாம்.
இந்த ஏற்பாடுகள் பல நாடுகளுக்கு பொதுவானது என்றும், ஊழல் மற்றும் சட்டவிரோத செயல்கள் ஏதுமின்றி பொதுத்துறை செயல்படுவதை உறுதி செய்வதே இதன் நோக்கம் என்றும் அமைச்சர் கூறினார்.
இந்த சட்டமூல அரசியலமைப்புச் சட்டத்தை உறுதிப்படுத்துமாறு சட்டமா அதிபருக்கு பணிப்புரை விடுக்கப்பட்டுள்ளதாகவும், அதன் பின்னர் அது வர்த்தமானியாக வெளியிடப்பட்டு பாராளுமன்றத்தில் சமர்ப்பிக்கப்படும் எனவும் அமைச்சர் மேலும் தெரிவித்தார்.
கருத்துரையிடுக