3,054 மில்லியன் ரூபா செலவில் நிர்மாணிக்கப்பட்ட கம்பஹா மாவட்ட செயலகம் இந்த வருட இறுதியில் திறக்கப்படவுள்ளது.
3,054 மில்லியன் ரூபா செலவில் நிர்மாணிக்கப்பட்ட புதிய கம்பஹா மாவட்ட செயலக அலுவலகம் எதிர்வரும் டிசம்பர் மாதம் திறந்து வைக்கப்படவுள்ளது.
நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க மற்றும் கம்பஹா மாவட்ட செயலாளர் எம்.எஸ். சத்தியானந்த அதனை கண்காணிப்பதற்காக கடந்த வெள்ளிக்கிழமை (28) அங்கு களவிஜயம் ஒன்றைச் செய்தார்கள்.
இது பொது நிர்வாகம் மற்றும் உள்நாட்டலுவல்கள் அமைச்சின் ஏற்பாட்டின் பேரில் மார்ச் 2019 இல் தனது கட்டுமானப் பணிகளைத் தொடங்கியது.
இந்தக் கட்டிடம் ஒன்பது மாடிகள் மற்றும் 250,000 சதுர அடி கொண்டது.
சங்கென் கன்ஸ்ட்ரக்ஷன் பிரைவேட் லிமிடெட் (Sanken Construction pvt Ltd) இதன் கட்டுமானப் பணிகளையும், மொரட்டுவை பல்கலைக்கழகம் ஆலோசனைச் சேவையையும் செய்து வருகிறது.
புதிய மாவட்ட செயலக அலுவலக வளாகத்தில் 26 அரச நிறுவனங்களை நிறுவுவதற்கு திட்டமிடப்பட்டுள்ளது, இதன் மூலம் பொதுமக்கள் தங்கள் சேவைகளை விரைவாக செய்து முடிக்க முடியும். சிறப்பு என்னவென்றால், ஒவ்வொரு அரசு நிறுவனத்திலும் பொதுமக்களுக்காக ஒரு கவுண்டர் தரை தளத்தில் உள்ளது. மக்களுக்கு இடையூறு ஏற்படாத வகையில் துரித சேவையை வழங்குவதே இதன் நோக்கமாகும் என மாவட்ட செயலாளர் தெரிவித்தார்.
கருத்துரையிடுக