நாடாளுமன்ற உறுப்பினர் சமிந்த விஜேசிறி, நாடாளுமன்ற செயலாளருக்கு விடுத்த அச்சுறுத்தல்களை கட்டுப்படுத்த உடனடியாகத் தலையிடவும்

⏩ நாடாளுமன்ற உறுப்பினர் சமிந்த விஜேசிறி, நாடாளுமன்ற செயலாளருக்கு விடுத்த அச்சுறுத்தல்களை கட்டுப்படுத்த உடனடியாகத் தலையிடவும்...

⏩ அவ்வாறு கட்டுப்படுத்தாவிட்டால் மற்ற பாராளுமன்ற உறுப்பினர்களும் இப்படித்தான் நடந்து கொள்ள முயற்சிப்பார்கள்.

     - ஆளும் கட்சியின் பிரதம அமைப்பாளர், அமைச்சர் பிரசன்ன ரணதுங்க

அரசாங்கமொன்று வரும் என பாராளுமன்ற உறுப்பினர் திரு.சமிந்த விஜேசிறி பாராளுமன்ற செயலாளருக்கு விடுத்துள்ள அச்சுறுத்தல்களை கட்டுப்படுத்த உடனடியாக தலையிடுமாறு ஆளும் கட்சியின் பிரதான அமைப்பாளர் அமைச்சர் பிரசன்ன ரணதுங்க பிரதி சபாநாயகர் அஜித் ராஜபக்ஷவிடம் இன்று (23) கோரிக்கை விடுத்துள்ளார். 

இதனை கட்டுப்படுத்தாவிடின் ஏனைய பாராளுமன்ற உறுப்பினர்களும் அவ்வாறே நடந்து கொள்வார்கள் எனவும் அமைச்சர் குறிப்பிட்டுள்ளார்.

பாராளுமன்றம் இன்று (23) பிரதி சபாநாயகர் திரு.அஜித் ராஜபக்ஷ தலைமையில் கூடியது.

நிதி இராஜாங்க அமைச்சர் ஷெஹான் சேமசிங்க மற்றும் பதுளை மாவட்ட நாடாளுமன்ற உறுப்பினர் சமிந்த விஜேசிறி (ஐ.ம.ச) ஆகிய இருவருக்கும் இடையில்  உரையாடலின் போதே ஆளும் கட்சியின் பிரதான அமைப்பாளரான அமைச்சர் பிரசன்ன ரணதுங்க இவ்வாறு தலையிட்டு கூறினார்.  

அங்கு நடந்த உரையாடல் பின்வருமாறு.

பதுளை மாவட்ட நாடாளுமன்ற உறுப்பினர் சமிந்த விஜேசிறி (ஐ.ம.ச.) - மத்திய வங்கியின் பிணைமுறி மோசடி இடம்பெற்ற நேரம் குறித்து கேட்பது எப்படி வழக்குக்கு இடையூறாக அமையும் என்று சொல்லுங்கள்.

நிதி இராஜாங்க அமைச்சர் ஷெஹான் சேமசிங்க (ஸ்ரீ.பொ.பெ.) - கௌரவ சபாநாயகர் அவர்களே இதற்கு முன்னரும் பதிலளித்துள்ளோம். இது போன்ற தேவையற்ற விஷயங்களுக்கு எனது நேரத்தை ஒதுக்க நான் தயாராக இல்லை. ஆனால் எதைக் கேட்டாலும் பதில் சொல்லக் கடமைப்பட்டிருக்கிறோம். ஆனால் அதையே திருப்பி திருப்பி கேட்டு மற்றவர்கள் முட்டாள்கள் என்று அவர் நினைத்தால் நாங்கள் தலையிடத் தயாராக இல்லை.

பதுளை மாவட்ட நாடாளுமன்ற உறுப்பினர் சமிந்த விஜேசிறி (ஐ.ம.ச.) - செயலாளர் நாயகமோ அல்லது செயலாளரோ இந்த அரசாங்கத்திற்கு ஆதரவாக செயற்பட்டால் அடுத்து இன்னொரு அரசாங்கம் அமையும் என்பதை நினைவில் கொள்ளுங்கள். நான் இந்த மிரட்டல் விடுக்கவில்லை. சட்டப்படி என் வேலையைச் செய்கிறேன். அதே கேள்வியை நான் கேட்கவில்லை. கேட்க வேண்டியது எனது பொறுப்பு. என்னை எங்கு வேண்டுமானாலும் அழைத்துச் செல்லுங்கள்.

ஆளும் கட்சியின் பிரதம அமைப்பாளர், அமைச்சர் பிரசன்ன ரணதுங்க (ஸ்ரீ.பொ.பெ)- கௌரவ பிரதி சபாநாயகர் அவர்களே, அரசாங்கமொன்று வரும், அரசாங்கம் வரும் என செயலாளருக்கு அச்சுறுத்தல் விடுக்கப்பட்டுள்ளது. நீங்கள் இதை கட்டுப்படுத்துங்கள். இல்லாவிடின் இது ஒரு கேலியாக மாறும். எங்கள் கட்சி உறுப்பினர்களும் அவ்வாறு நடந்து கொள்வார்கள். 

பிரதி சபாநாயகர், அஜித் ராஜபக்ஷ (ஸ்ரீ.பொ.பெ) - கௌரவ உறுப்பினர் அவர்களே, அந்த செல்வாக்கை கண்ணியமான முறையில் பயன்படுத்துங்கள்