சர்வ மத நல்லிணக்கம், கலாசார பன்முகத்தன்மை மற்றும் ஒற்றுமையை முன்னிலைப்படுத்தி, அத்தனகல்ல பிரதேச செயலகத்தின் ஏற்பாட்டில் தைப்பொங்கல் விழா கடந்த 2026.01.23 அன்று பிரதேச செயலக வெளி வளாகத்தில் உத்தியோகபூர்வமாக கொண்டாடப்பட்டது.
இந்த விழாவில் சர்வ மதத் தலைவர்களும் கலந்து கொண்டு சிறப்பித்ததுடன், இது சமூகத்தில் அமைதி, ஒற்றுமை மற்றும் பரஸ்பர கௌரவத்தை வளர்ப்பதற்கு ஒரு முக்கிய அடித்தளமாக பார்க்கப்பட்டது.
தைப்பொங்கலின் கலாசார விழுமியங்களை வெளிப்படுத்தும் வகையில் வண்ணமயமான கோலப் போட்டிகள் நடத்தப்பட்டதோடு, இதன் மூலம் பாரம்பரிய கலைகளும் படைப்பாற்றலும் ஊக்குவிக்கப்பட்டன.
அத்தனகல்ல பிரதேச செயலக உத்தியோகத்தர்கள் பலரும் தமிழ் பாரம்பரிய உடைகளை அணிந்து விழாவில் பங்கேற்றமை அனைவரினதும் கவனத்தை ஈர்த்ததுடன், இது கலாசாரங்களுக்கிடையிலான மதிப்பையும் ஒற்றுமையையும் வெளிப்படுத்தியது. சூரிய பகவானுக்கும் இயற்கைக்கும் நன்றி செலுத்தும் விதமாக, அறுவடைத் திருநாளாகக் கொண்டாடப்படும் தைப்பொங்கல், புதிய ஆரம்பம் மற்றும் செழிப்பின் அடையாளமாகும்.
கலாசார விழுமியங்களைப் பாதுகாத்து, அனைத்து மதத்தவர்களையும் இனத்தவர்களையும் ஒன்றிணைத்த இந்த தைப்பொங்கல் விழா மிகவும் வெற்றிகரமாக நிறைவுற்றது.
(அத்தனகல்ல ஊடகப்பிரிவு)
