அவசர பேரிடர் நிலைமையினால் பாதிக்கப்பட்ட மக்களுக்குத் தேவையான உடனடி நிவாரண சேவைகளை வழங்குவதற்காக, பிரதேச பேரிடர் குழு இன்று (22) காலை பிரதேச செயலகத்தில் அவசரமாகக் கூடியது.
இதன்போது, பாதிக்கப்பட்டவர்களை மீட்பது, இன்று இரவு முதல் சமைத்த உணவை வழங்குவது, தேவையான 4 இடங்களுக்கு (திஹாரிய, வேயாங்கொடை, பெம்முல்ல மற்றும் அத்தனகல்ல) 4 கடற்படைப் படகுகளை நிலைநிறுத்துவது மற்றும் பஸ்னாகொட நீர்த்தேக்கத்தின் நீரைத் திறந்து விடுவது உள்ளிட்ட பல முக்கிய விடயங்கள் கலந்துரையாடப்பட்டன.
இக்கூட்டத்தில் சமய மற்றும் கலாசார அலுவல்கள் பிரதி அமைச்சர் முனீர் முளப்பர், அத்தனகல்ல ஒருங்கிணைப்புக் குழுவின் தலைவர் ருவன் மாபலகம எம்பி, அத்தனகல்ல பிரதேச சபைத் தலைவர் தர்ஷன விஜேசிங்க மற்றும் அமைப்பாளர் புபுது கபுருகே உட்பட அதிகாரிகள் பலரும் கலந்து கொண்டனர்.
Update :
பாதிக்கப்பட்ட ஒரு நபருக்கு ஒரு வேளை உணவிற்காக 200 ரூபாய் வீதம், ஒரு நாளைக்கு 600 ரூபாய் வீதம் ஒதுக்கீடு செய்ய முடியும் என்று தெரிவிக்கப்பட்டுள்ளது.
