கஹட்டோவிட்ட பிரதேசத்தில் வெள்ளப்பெருக்கினால் பாதிக்கப்பட்டவர்களுக்கும் வெள்ள நீரில் இறங்கி வயல்வெளிகளை மிதித்தவர்களுக்கும் தற்காப்பு நடவடிக்கைக்காக நேற்றைய தினம் (29) வேயாங்கொடை சுகாதார அதிகாரிகள் குழுவினர் கஹட்டோவிட்ட பாதிபிய்யா தக்கிய்யாவில் இயங்கி வரும் வெள்ள நிவாரண நிலையத்திற்கு வந்து அவசியமான மருந்து மாத்திரைகளை வழங்குவதை படங்களில் காணலாம்.
இங்கு கஹட்டோவிட்டா பிரதேசத்துக்கு பொறுப்பாகவுள்ள சுகாதார வைத்திய அதிகாரி திரு விஜேதுங்கவினால் ஊர் மக்களுக்கு குறித்த மருந்து மாத்திரைகளை வழங்கி வைப்பதை காணலாம்.
நேற்றைய தினம் (29) வெள்ள நிவாரண நிலையத்திற்கு காலையில் தங்க வைக்கப்பட்டிருந்த பாதிக்கப்பட்ட மக்களில் கர்ப்பிணி தாயொரொருவர் வேயங்கொடை பிரதேச சுகாதார வைத்திய அதிகாரியின் வேண்டுகோளுக்கிணங்க, கிராம சுகாதார வைத்திய அதிகாரியின் உதவியுடன் வத்துப்பிட்டிவல ஆதார வைத்தியசாலையில் அனுமதிப்பதற்கு நடவடிக்கை மேற்கொண்டிருந்ததோடு இதற்கான ஒருங்கிணைப்பை அத்தனகல்ல பிரதேச சபை உறுப்பினர் அல் ஹாஜ் பிர்தௌவ்ஸ், இதற்கு தேவையான போக்குவரத்து வசதியை முன்னாள் பிரதேச சபை வேட்பாளர் அல் ஹாஜ் ருஸ்தி ஆகியோர் வழங்கியிருந்தமை குறிப்பிடத்தக்க அம்சமாகும்.
மேலும் வத்துப்பிட்டிவல வைத்தியசாலை மருத்துவர் சஞ்ஜீவ அவர்களும், வைத்தியர் ரோசானா அவர்களும் பாதிக்கப்பட்ட மக்கள் தங்க வைக்கப்பட்டுள்ள பாதிபிய்யா மத்ரஸா கட்டிடத்தில் இலவச மருத்துவ பரிசோதனைகளை மேற்கொள்வதை யும்,இவர்களுக்கு தேவையான மருந்துகளை சகோதரர் நஸீர் வாங்கி கொடுப்பதையும் பிரதேச சபை உறுப்பினர் அல் ஹாஜ் பிர்தௌவ்ஸ் அருகில் இருப்பதையும் படங்களில் காணலாம்.
நன்றி : கஹட்டோவிட்ட நியூஸ் பேஜ் ஒபீசியல்
