நிட்டம்புவ, ஓச்சர்ட்வத்தை முஸ்லிம் வித்தியாலயத்தின் (Nittambuwa Orchard Watta Muslim Vidyalaya) புதிய அதிபராக M.K.R. மொஹமட் அவர்கள் கடந்த புதன்கிழமை (2026.10.07) உத்தியோகபூர்வமாகத் தனது கடமைகளைப் பொறுப்பேற்றுக் கொண்டார்.
புதிய அதிபரை வரவேற்பதற்கும் கௌரவிப்பதற்குமான சிறப்பு நிகழ்வு பாடசாலையின் பிரதான மண்டபத்தில் கோலாகலமாக நடைபெற்றது.
இந்நிகழ்வில் கம்பஹா மற்றும் களனி வலய பிரதிக் கல்விப் பணிப்பாளர், ஆசிரிய ஆலோசகர்கள், கம்பஹா கல்வி வலயத்திற்குட்பட்ட தமிழ் மொழிமூலப் பாடசாலைகளின் அதிபர்கள், நலன்விரும்பிகள், ஊர்ப் பிரமுகர்கள் மற்றும் ஆசிரியர்கள் கலந்துகொண்டனர். மேலும் பாடசாலை அபிவிருத்திச் சங்கம் (SDC), பழைய மாணவர் சங்கம் (OBA) மற்றும் பழைய மாணவிகள் சங்கம் (OGA) ஆகியவற்றின் பிரதிநிதிகள் உட்படப் பல முக்கியஸ்தர்களும் இதில் பங்கேற்று நிகழ்வைச் சிறப்பித்தனர்.
புதிய அதிபரின் தலைமையானது பாடசாலையின் கல்வி மற்றும் நிர்வாகச் செயற்பாடுகளை மேலும் உயர்த்தும் ஒரு புதிய அத்தியாயத்தின் தொடக்கமாக அமையும் எனப் பலராலும் எதிர்பார்க்கப்படுகிறது.
கடமையேற்றுள்ள புதிய அதிபர் M.K.R. மொஹமட் அவர்களின் கல்விச் சேவைகள் சிறக்கவும், பாடசாலை பல சாதனைகளைப் படைக்கவும் பாடசாலை சமூகத்தினரும், நலன்விரும்பிகளும் தமது மனமார்ந்த வாழ்த்துக்களைத் தெரிவித்து வருகின்றனர்.
