நீர்ப்பாசனத் திணைக்களத்தின் நீரியல் மற்றும் பேரிடர் முகாமைத்துவப் பிரிவினால் வெளியிடப்பட்டுள்ள ஆவணத்தின்படி, அத்தனகல்ல ஓயா வடிநிலப்பகுதிகளுக்கு அம்பர் நிற வெள்ள அபாய எச்சரிக்கை விடுக்கப்பட்டுள்ளது.
இன்று (14) காலை முதல் அத்தனகல்ல ஓயா வடிநிலத்தின் பெரும்பாலான நீர்ப்பிடிப்பு பகுதிகளில் பெய்த கணிசமான மழையினைத் தொடர்ந்து, அடுத்த 48 மணிநேரத்திற்குள் திவுலபிட்டிய, மீரிகம, அத்தனகல்ல, மஹர, கம்பஹா, மினுவாங்கொட, ஜா-எல, கட்டான மற்றும் வத்தளை ஆகிய பிரதேச செயலகப் பிரிவுகளுக்கு உட்பட்ட அத்தனகல்ல ஓயா மற்றும் உருவல் ஓயா பள்ளத்தாக்குகளின் தாழ்நிலப் பகுதிகளில் சிறிய அளவிலான வெள்ள நிலைமை ஏற்பட வாய்ப்புள்ளதாக அந்த அறிக்கையில் தெரிவிக்கப்பட்டுள்ளது.
இந்த நிலைமை காரணமாக இப்பகுதிகளின் ஊடாகச் செல்லும் சில வீதிகள் நீரில் மூழ்கும் அபாயம் காணப்படுவதால், அங்கு வசிக்கும் பொதுமக்கள் மற்றும் அந்த வீதிகளைப் பயன்படுத்தும் வாகன ஓட்டுநர்கள் இது குறித்து மிகுந்த அவதானத்துடன் இருக்குமாறு கேட்டுக்கொள்ளப்படுகிறார்கள்.
அனர்த்த முகாமைத்துவ அதிகாரிகள் இவ்விடயம் தொடர்பாக தகுந்த முன்னெச்சரிக்கை நடவடிக்கைகளை மேற்கொள்ளுமாறு கோரப்பட்டுள்ளதோடு, இந்த எச்சரிக்கை அறிவிப்பானது 2026 மே 15 ஆம் தேதி இரவு 8.00 மணி வரை செல்லுபடியாகும் எனவும் அறிவிக்கப்பட்டுள்ளது.
Update:
தற்போது நிலவும் மோசமான வானிலை நிலைமை தொடர்பாக அனர்த்த முகாமைத்துவ மத்திய நிலையத்தின் ஊடகப் பேச்சாளர் திரு. பிரதீப் கொடிப்பிலி அவர்கள் வெளியிட்ட கருத்துக்கள்
