அகில இலங்கை பாடசாலை கால்பந்து: சென். தோமஸை வீழ்த்தி அரையிறுதிக்குள் நுழைந்தது கஹட்டோவிட்ட பத்ரியா!

கஹட்டோவிட்ட அல் பத்ரியா மகா வித்தியாலய 20 வயதின் கீழ் கால்பந்து அணி 2026 ஆம் ஆண்டுக்கான All Island Football Tournament தொடரின் நேற்றைய போட்டியில் (10) கல்கிசை புனித தோமஸ் கல்லூரி அணியை வீழ்த்தி அரையிறுதிக்கு முன்னேறியுள்ளதுடன் பிரிவு - 01 (Division - 01) இற்கும் தெரிவாகியுள்ளது.

விறுவிறுப்பாக நடைபெற்ற நேற்றைய போட்டி 0 - 0 என்ற அடிப்படையில் சமநிலையில் முடிவடைந்த நிலையில் பெனால்டி முறையில் 3 - 2  அடிப்படையில் புனித தோமஸ் கல்லூரி அணியை வீழ்த்தி கஹட்டோவிட்ட அல் பத்ரியா அணி வெற்றி பெற்றமை சிறப்பம்சமாகும்.

அரையிறுதிப் போட்டியில் கஹட்டோவிட்ட அல் பத்ரியா மகா வித்தியாலய அணி கிண்ணியா அல் அமீன் மகா வித்தியாலய அணியை எதிர்கொள்ளவுள்ளது.