குழந்தைகளின் மனதையும் படைப்பாற்றலையும் சரியான பாதையில் வழிநடத்தி, முன்பள்ளி ஆசிரியர்களை புதிய அறிவு, நேர்மறையான அணுகுமுறைகள் மற்றும் நடைமுறைத் திறன்களுடன் வலுப்படுத்தும் நோக்கில், முன்பள்ளி ஆசிரியர்களுக்கான சிறப்பு நடைமுறைப் பயிற்சித் திட்டம் ஒன்று அண்மையில் நீர்கொழும்பு அபயசேகராம விகாரை மண்டபத்தில் நடைபெற்றது.
நீர்கொழும்பு பிரதேச செயலாளர் திருமதி ரசிகா மல்லவஆரச்சியின் வழிகாட்டலில், ஆரம்பப் பருவ குழந்தை வளர்ச்சி அலுவலர் திருமதி கங்கா ஹேமந்தியின் ஏற்பாட்டில் நடைபெற்ற இந்நிகழ்வில், நீர்கொழும்பு பிரதேச செயலகப் பிரிவைச் சேர்ந்த 175-க்கும் மேற்பட்ட முன்பள்ளி ஆசிரியைகள் கலந்துகொண்டனர்.
படைப்பாற்றல் திறன்மிக்க அனுபவமிக்க ஆசிரியர்களின் அனுபவங்களை புதிய ஆசிரியர்களுடன் பகிர்ந்துகொள்ளும் வகையில் அறிவு மற்றும் அனுபவப் பரிமாற்றங்கள் இங்கு இடம்பெற்றன. மேலும், ஆசிரியர்களின் இயல்பான திறன்களை ஒருங்கிணைத்து பல புதிய படைப்புகளும் இங்கு நடைமுறை ரீதியாக அறிமுகப்படுத்தப்பட்டன.
மாவட்ட ஊடகப் பிரிவு - கம்பஹா