மகளிர் மற்றும் சிறுவர் விவகார அமைச்சின் "செனெஹே தடாக" திட்டத்தை அடிப்படையாகக் கொண்ட முன் பிள்ளைப் பருவ பராமரிப்பு மற்றும் அபிவிருத்தித் திட்ட செயலமர்வு அண்மையில் நீர்கொழும்பு, போருத்தோட்ட பிரதேசத்தில் நீர்கொழும்பு பிரதேச செயலாளர் ரசிகா மல்லவாரச்சி தலைமையில் நடைபெற்றது.
முன் பிள்ளைப் பருவ குழந்தைகளின் மனச்சமூகப் பராமரிப்பு மற்றும் ஒட்டுமொத்த வளர்ச்சியை வலுப்படுத்துவதற்காக, பெற்றோரின் அறிவு, அணுகுமுறை மற்றும் திறன்களை மேம்படுத்தும் நோக்கில் இத்திட்டம் ஏற்பாடு செய்யப்பட்டிருந்தது.
குறிப்பாக, குழந்தைகளின் கற்றல் மற்றும் வளர்ச்சிச் செயல்பாடுகளில் பெற்றோரின் தீவிர பங்கேற்பு மிக அவசியமானது என்பதை மையமாகக் கொண்டு, இளம் குழந்தைகளைக் கொண்ட தாய்மார்களுக்காக விழிப்புணர்வு வழங்கும் வகையில் இச்செயலமர்வு நடத்தப்பட்டது. நீர்கொழும்பு பிரதேச செயலாளர் ரசிகா மல்லவாரச்சியின் வழிகாட்டல் மற்றும் ஆலோசனையின் கீழ் இத்திட்டம் முன்னெடுக்கப்பட்டது.
மாவட்ட ஊடகப் பிரிவு - கம்பஹா

